Cylch gorchwyl

Mae'r Bwrdd Newid yn sicrhau bod y rhaglen waith a amlinellir yn Addysg yng Nghymru: Cenhadaeth ein Cenedl (y rhaglen) yn cael ei goruchwylio’n strategol, gan roi sylw penodol i’r tri phrif faes sydd i'w diwygio, sef:

• y cwricwlwm
• dysgu proffesiynol
• atebolrwydd

Mae'r Bwrdd yn gyfrifol am gymeradwyo argymhellion ar gyfer penderfyniadau’n ymwneud â’r rhaglen. Mae hefyd yn rhoi sicrwydd ar faterion allweddol a phenderfyniadau a uwchgyfeiriwyd gan Fwrdd Cyflawni'r rhaglen.

Bydd y bwrdd yn:

• rhoi sicrwydd ar unrhyw faterion/penderfyniadau a uwchgyfeiriwyd gan y Bwrdd Cyflawni, ac yn
• adrodd ar y prif agweddau ar berfformiad y rhaglen a llunio adroddiad.

Mae aelodau'r bwrdd yn gyfrifol am:

• hyrwyddo'r rhaglen a'i nodau o fewn eu sefydliadau eu hunain ac ymhlith sefydliadau a rhanddeiliaid allanol, a
• rhaeadru gwybodaeth, camau gweithredu a phenderfyniadau sy'n deillio o gyfarfodydd y Bwrdd i'r timau a'r sefydliadau y maent yn eu cynrychioli.

Bydd y bwrdd yn cwrdd bob deufis fel arfer, ond cynhelir cyfarfodydd yn fwy aml os bydd angen. Lle bo angen, gellir gwneud penderfyniadau y tu allan i'r cyfarfodydd.

Tîm y rhaglen yng Nghyfarwyddiaeth Addysg Llywodraeth Cymru fydd yn darparu cymorth gweinyddol i'r bwrdd.

Mae aelodau'r Bwrdd Newid yn cynnwys cynrychiolwyr uwch ar lefel Rheolwr Gyfarwyddwr, Prif Weithredwr a Chyfarwyddwr o'r haen ganol gan gynnwys Awdurdodau Lleol, Awdurdodau Esgobaethol, y Consortia Addysg Rhanbarthol, Estyn, Cymwysterau Cymru a Chyngor y Gweithlu Addysg.

Aelodau

• Estyn
• Cymwysterau Cymru
• Cymdeithas Cyfarwyddwyr Addysg Cymru
• Consortiwm Canolbarth y De (CSC)
• Gwasanaeth Cyflawni Addysg (EAS)
• Ein Rhanbarth ar Waith (ERW)
• Consortiwm Gogledd Cymru (GwE)
• Cyngor y Gweithlu Addysg (CGA)
• Cymdeithas Llywodraeth Leol Cymru
• Prifysgolion Cymru
• Cyfarwyddwyr Addysg Esgobaethol Cymru
• Colegau Cymru
• Llywodraeth Cymru - y Gyfarwyddiaeth Addysg
• Llywodraeth Cymru - Sgiliau, Addysg Uwch a Dysgu Gydol Oes
• Llywodraeth Cymru - Cyfathrebu Strategol a Marchnata ar gyfer Addysg a'r Gymraeg
• Cynghorydd Annibynnol - yr Athro Graham Donaldson
• Cynghorydd Annibynnol – Cynrychiolydd o Swyddfa Archwilio Cymru (i'w gadarnhau)
• Academi Genedlaethol Arweinyddiaeth Addysgol