Bwrdd Trosolwg y Cytundeb Cydweithio: 16 Mehefin 2022
Cofnodion cyfarfod y Bwrdd Trosolwg ar 16 Mehefin 2022.
Efallai na fydd y ffeil hon yn gyfan gwbl hygyrch.
Ar y dudalen hon
Yn bresennol
- Y Gwir Anrh Mark Drakeford AS
- Adam Price AS
Eitem 1: Cymeradwyo cofnodion y cyfarfod blaenorol
1.1 Cytunodd y Bwrdd ar gofnodion y cyfarfod a gynhaliwyd ar 26 Mai 2022.
Eitem 2: Diweddariad ar gynnydd, gan gynnwys diweddariad ar y Cyd Bwyllgorau Polisi
2.1 Croesawodd y Bwrdd y cynnydd a wnaed, y cyflymder oedd yn cael ei weld yn rhai o’r meysydd a chymeradwyodd Gylch Gorchwyl y Cyd-bwyllgorau Polisi, gan nodi eu bod yn gweithio'n dda.
Eitem 3: Y Gymraeg
3.1 Trafododd y Bwrdd y defnydd o'r Gymraeg o fewn Llywodraeth Cymru, gan gynnwys defnyddio cyfieithu peirianyddol.
Eitem 4: Diwygio’r Senedd a’r Comisiwn Cyfansoddiadol
4.1 Croesawodd y Bwrdd y ffaith bod cynnig y Senedd ar adroddiad y Pwyllgor Diben Arbennig ar ddiwygio'r Senedd wedi'i basio. Amlinellodd swyddogion y camau nesaf o ran gwaith paratoi ar gyfer y Bil.
Eitem 5: Diweddariad cyfathrebu
5.1 Nododd y Bwrdd y cydweithio cadarnhaol a oedd wedi digwydd ar nifer o gyhoeddiadau a wnaed dros yr wythnosau diwethaf ac amlinellwyd y gwaith paratoi oedd angen digwydd cyn y gynhadledd i'r wasg nesaf ar y cyd.