Bwrdd Trosolwg y Cytundeb Cydweithio: 21 Medi 2022
Cofnodion cyfarfod y Bwrdd Trosolwg ar 21 Medi 2022.
Efallai na fydd y ffeil hon yn gyfan gwbl hygyrch.
Ar y dudalen hon
Yn bresennol
- Y Gwir Anrh Mark Drakeford AS
- Adam Price AS
Eitem 1: Cymeradwyo cofnodion y cyfarfod blaenorol
1.1 Cymeradwyodd y Bwrdd gofnodion y cyfarfod blaenorol a gynhaliwyd ar 3 Awst 2022 gan ofyn am ddiweddariad ar waith yr Ysgol Lywodraethu Genedlaethol.
Eitem 2: Diweddariad ar gynnydd
2.1 Crynhodd swyddogion y cynnydd a wnaed ar draws gwahanol ymrwymiadau dros gyfnod yr haf gan nodi bwriadau ar gyfer y camau nesaf o ran rhaglen waith tan y Nadolig. Nododd y Bwrdd y gweithgarwch sylweddol a oedd yn cael ei ragweld dros dymor yr Hydref a phwysleisiodd yr angen i Weinidogion ac Aelodau Dynodedig wneud cynnydd pellach a chyrraedd pwyntiau penderfynu ar draws gwahanol ymrwymiadau.
Eitem 3: Dull o gyflwyno’r Adroddiad Blynyddol
3.1 Cytunodd y Bwrdd ar y dull o weithredu wrth baratoi adroddiad blynyddol y Cytundeb Cydweithio.
Eitem 4: Diwygio’r Senedd a’r Comisiwn Cyfansoddiadol
4.1 Diweddarodd swyddogion ar y cynnydd a wnaed ar ddatblygu'r polisi ar gyfer y Bil a'r camau nesaf ar gyfer dod i benderfyniadau ar feysydd allweddol dros yr Hydref i ganiatáu drafftio cyfreithiol.
Eitem 5: Diweddariad cyfathrebu
5.1 Bu'r Bwrdd yn myfyrio ar y gweithgarwch cyfathrebu a oedd wedi digwydd ers cyfarfod diwethaf y Bwrdd, gan gynnwys yr ymweliad i gyd-fynd â dechrau'r broses o gyflwyno Prydau Ysgol Am Ddim. Nodwyd hefyd y gweithgareddau oedd ar y gweill.