Bwrdd Trosolwg y Cytundeb Cydweithio: 26 Mai 2022
Cofnodion cyfarfod y Bwrdd Trosolwg ar 26 Mai 2022.
Efallai na fydd y ffeil hon yn gyfan gwbl hygyrch.
Ar y dudalen hon
Yn bresennol
- Y Gwir Anrh Mark Drakeford AS
- Adam Price AS
Eitem 1: Cymeradwyo cofnodion y cyfarfod blaenorol
1.1 Cymeradwyodd y Bwrdd gofnodion y cyfarfod blaenorol.
Eitem 2: Diweddariad ar gynnydd, yn cynnwys yr amserlen
2.1 Roedd y bwrdd yn ddiolchgar am y nodyn ar gynnydd, ac fe groesawyd yr amserlen o’r 46 maes wedi ei diweddaru. Cytunwyd y byddai gwaith ar arferion trosi yn cael ei weithredu ar y cyd fel rhan o’r ymrwymiad yn y Cynllun Gweithredu LGBTQ+.
Eitem 3: Ail gartrefi
3.1 Trafododd y Bwrdd wahanol feysydd polisi’r ymrwymiad ail gartrefi, a nodi’r meysydd ble fydd angen trafodaeth bellach dros yr wythnosau nesaf er mwyn cyrraedd cytundeb ar y penderfyniadau sydd angen eu gwneud.
Eitem 4: Diwygio’r Senedd a’r Comisiwn Cyfansoddiadol
4.1 Nododd y Bwrdd y cyfarfod defnyddiol a gynhaliwyd gyda Chyd-Gadeiryddion y Comisiwn Cyfansoddiadol ym mis Ebrill, gyda'r cyfarfod nesaf i'w drefnu cyn toriad yr haf. O ran diwygio'r Senedd, nododd y Bwrdd y disgwylid cyhoeddi’r adroddiad gan Bwyllgor Diben Arbennig y Senedd yn fuan, cyn dadl yn y Cyfarfod Llawn ar 8 Mehefin.
Eitem 5: Diweddariad cyfathrebu
5.1 Rhoddodd swyddogion y wybodaeth ddiweddaraf i'r Bwrdd am ddyddiadau posibl ar gyfer y gynhadledd nesaf i'r wasg ar y cyd.