Bwrdd Trosolwg y Cytundeb Cydweithio: 3 Awst 2022
Cofnodion cyfarfod y Bwrdd Trosolwg ar 3 Awst 2022.
Efallai na fydd y ffeil hon yn gyfan gwbl hygyrch.
Ar y dudalen hon
Yn bresennol
- Y Gwir Anrh Mark Drakeford AS
- Adam Price AS
Eitem 1: Cymeradwyo cofnodion y cyfarfod blaenorol
1.1 Croesawodd y Prif Weinidog y mynychwyr i'r cyfarfod. Cytunodd y Bwrdd ar gofnodion y cyfarfod blaenorol a gynhaliwyd ar 16 Mehefin 2022.
Eitem 2: Diweddariad ar gynnydd
2.1 Bu'r Bwrdd yn trafod gwahanol ymrwymiadau dan sylw yn y diweddariad cynnydd ac fe gytunwyd ar y camau nesaf. Roedd trafodaethau pwysig ar y gweill ar ymrwymiadau ar draws y Cytundeb, ond roedd materion yn ymwneud â’r ymrwymiad gofal plant angen eu trafod yn benodol. Roedd y drafodaeth hefyd yn cynnwys ystyried y safbwynt diweddaraf ar y Bil Amaeth ac ar yr Ysgol Lywodraethu Genedlaethol arfaethedig.
Eitem 3: Diwygio’r Senedd a’r Comisiwn Cyfansoddiadol
3.1 Fe wnaeth y Cyfarwyddwr Cyfansoddiad a Chyfiawnder ddiweddaru'r Bwrdd ar y cynnydd oedd wedi’i wneud ar ddiwygio'r Senedd.
3.2 Roedd y Comisiwn Cyfansoddiadol yn parhau i weithio ar ei adroddiad interim a’r gwaith ymgysylltu â'r cyhoedd, gan gynnwys yn yr Eisteddfod. Roedd cyfarfod pellach rhwng y Cyd-gadeiryddion, y Prif Weinidog ac Arweinydd Plaid Cymru yn cael ei drefnu ar gyfer yr hydref.
Eitem 4: Diweddariad cyfathrebu
4.1 Nododd y Bwrdd y cyhoeddiadau cyfathrebu oedd wedi’u gwneud ar y cyd ers y cyfarfod diwethaf.