Meysydd TermCymru

Yn achos pob term Cymraeg yn TermCymru, cofnodir pwnc, rhan ymadrodd a statws. Yn achos rhai termau, cofnodir hefyd ddiffiniad, brawddeg o gyd-destun a/neu nodiadau defnydd. Bydd hyn yn fwy tebygol yn achos termau mwy diweddar.

Bydd y cofnod am bob term yn dangos yr holl wybodaeth sydd wedi ei chofnodi gyda'r term yn y gronfa ddata.

Statws
Yma y cofnodir statws y term dan sylw. Cewch esboniad o drefn y statysau yn y ddewislen ar y dde.

Diffiniad
Yma y cofnodir unrhyw ddiffiniad o’r term dan sylw. Ychwanegir diffiniadau at gofnodion statws A neu B pan fo hynny'n dadamwyso'r term i'r defnyddiwr, neu pan fo hynny'n ddefnyddiol o ran egluro rhyw agwedd ar y cysyniad. Yn gyffredinol, bydd diffiniadau yn Gymraeg ond bydd rhai cofnodion hŷn yn cynnwys diffiniadau Saesneg.

Pwnc
Dyma’r pwnc y mae’r term yn berthnasol iddo.

Rhan ymadrodd
Yma y cofnodir manylion gramadegol y term.

Cyd-destun
Yma y cofnodir brawddegau sy’n dangos enghraifft o’r term yn cael ei ddefnyddio. Ychwanegir brawddeg gyd-destunol at gofnodion statws A neu B pan fo hynny'n ddefnyddiol er mwyn enghreifftio sut y gellid defnyddio'r term mewn brawddeg, neu pan pan fo hynny'n ddefnyddiol o ran egluro rhyw agwedd ar y cysyniad.

Yn achos pob term a ychwanegwyd neu a ddiwygiwyd ers haf 2015, dim ond brawddegau sy’n dangos y term yn ei gyd-destun sydd i’w gweld yn y maes hwn. Gall termau sy'n dyddio o gyfnod cynt gynnwys pob math o nodiadau yn y maes Cyd-destun.

Lluosog
Yma y cofnodir ffurf luosog safonol y term dan sylw.

Nodiadau
Yma y cofnodir unrhyw nodiadau defnydd ar gyfer y term dan sylw. Ymhlith pethau eraill, gall hynny gynnwys nodiadau ar y berthynas â chysyniadau neu dermau eraill neu nodiadau ar gyd-destunau lle gellid llacio defnydd ar y term technegol dan sylw.