Gall effeithio ar unrhyw un, ar unrhyw adeg o’u bywydau. Gall ddigwydd o fewn teuluoedd neu mewn perthynas agos. Gall y person sy’n gyfrifol fod yn rhywun rydych chi’n ei adnabod neu’n ddieithryn.

Beth yw cydsyniad?

Cydsyniad rhywiol yw cytuno drwy ddewis i gyflawni gweithred rywiol, pan fo gan y person y rhyddid a’r gallu i wneud y dewis hwnnw. Efallai nad oes gan berson y rhyddid neu’r dewis i gydsynio os yw’n:

• ofni am ei fywyd neu ddiogelwch, neu am fywyd neu ddiogelwch rhywun arall 
• cysgu neu anymwybodol  
• analluog drwy alcohol neu gyffuriau

Mae’n bwysig gwybod y canlynol am gydsyniad rhywiol:

• mae’n bosib cydsynio i un math o weithgaredd rhywiol ond nid un arall
• mae modd tynnu cydsyniad yn ôl ar unrhyw adeg, hyd yn oed yn ystod gweithgaredd rhywiol
• rhaid rhoi cydsyniad bob tro mae gweithgaredd rhywiol yn digwydd

Beth yw cam-drin rhywiol?

Gall cam-drin rhywiol ddigwydd ar sawl ffurf gan gynnwys:

• trais
• ymosodiad rhywiol 
  • cyffwrdd mewn ffordd nad ydych yn ei hoffi heb gydsyniad 
  • gorfodi i gyflawni gweithred rywiol yn erbyn eich ewyllys
  • defnyddio gwrthrychau mewn ffordd dreisgar neu heb gydsyniad yn ystod rhyw
  • rhannu straeon neu ddelweddau rhywiol amdanoch chi heb gydsyniad
  • gorfodi i ddynwared pornograffi
  • gorfodi i gael eich recordio yn ystod rhyw neu 
• aflonyddu rhywiol neu ddefnyddio enwau rhywiol neu ddifrïol 
• cam-drin plant yn rhywiol neu losgach
• anffurfio organau cenhedlu benywod (FGM)
• priodas drwy orfodaeth
• masnachu mewn pobl neu gam-fanteisio rhywiol
• rhywun yn dangos rhan bersonol o’i gorff ar-lein neu oddi ar lein

Mae trais a cham-drin rhywiol yn droseddau. 

Eich dewis chi yw dweud wrth yr heddlu neu beidio. Ni ddylai ac ni all unrhyw un arall wneud y dewis ar eich rhan.

I gael rhagor o gyngor cysylltwch â Llinell Gymorth Byw Heb Ofn.

Adnabod yr arwyddion

Gall dioddef camdriniaeth rywiol gael effaith andwyol, hirdymor yn emosiynol, yn seicolegol ac yn gorfforol. Gall hyn gynnwys:

• iselder ysbryd neu orbryder 
• methu cysgu
• newid ymddygiad yn annisgwyl neu heb esboniad
• clefydau wedi’u trosglwyddo’n rhywiol
• ôl-fflachiau 
• ystyried hunanladdiad 
• anhwylder straen wedi trawma (PTSD)
• ymdeimlad o ddatgysylltiad
• anhwylderau bwyta 
• hunan-anafu ac ymddygiad hunan-niweidiol 
• diffyg hunan-barch a/neu hyder

Storiâu Byw Heb Ofn

Darllenwch stori Emma

Darllenwch stori Mike

Ymunwch â’r ymgyrch Cam-drin Rhywiol yw hyn

• Ymunwch â’r sgwrs ar y cyfryngau cymdeithasol gan ddefnyddio  #CamdrinRhywiolYwHyn
• Lawrlwythwch ragor o wybodaeth, gan gynnwys fideos, posteri a delweddau i hyrwyddo’r ymgyrch.