Canllawiau anstatudol drafft ar gyfer awdurdodau lleol ar addysg ddewisol yn y cartref

Mae'r rhan fwyaf o rieni yn dewis anfon eu plant i'r ysgol. Fodd bynnag mae rhai yn dewis addysgu eu plant gartref. Mae’r Gweinidog Addysg a Sgiliau wedi penderfynu paratoi canllawiau anstatudol sy'n amlygu arfer da gan awdurdodau lleol ac addysgwyr cartref.

Mae'r ddogfen ganllaw ddrafft hon wedi ei datblygu gan ymgynghori ag awdurdodau lleol a'r gymuned addysg ddewisol yn y cartref er mwyn rhoi cyfle iddynt gydweithio i ddatblygu consensws ac ymddiriedaeth.