Casglu deunyddiau gwastraff ar wahân ar gyfer ailgylchu: cod ymarfer Cymru

Rydym yn cyflwyno rheoliadau newydd y disgwylir iddynt ddod i rym ar 1 Hydref 2023 ac sy'n ei gwneud yn ofynnol i bob safle annomestig (gan gynnwys busnesau, y sector cyhoeddus a'r trydydd sector) wahanu deunyddiau allweddol y gellir eu hailgylchu yn y ffordd y mae mwyafrif deiliaid tai Cymru eisoes yn gwneud.

Diben yr ymgynghoriad hwn sy'n ymwneud â Chymru yn unig yw gofyn am eich barn ar y cod ymarfer (“y cod”) ac a yw'n rhoi digon o ganllawiau ymarferol ar sut i fodloni'r gofynion gwahanu a nodir yn Rheoliadau Gwastraff (Cymru a Lloegr) 2011 (fel y'u diwygiwyd, gan gynnwys fel y'u diwygir gan y Rheoliadau Gwastraff (Diwygio) (Cymru) 2023 arfaethedig).

Gweler yr ymgynghoriad gweithredol cysylltiedig a ganlyn ar gynigion ar gyfer gorfodi rheoliadau ailgylchu busnesau, y sector cyhoeddus a'r trydydd sector yng Nghymru sy'n gysylltiedig â'r rheoliadau hyn.

Gweler ymgynghoriad cysylltiedig: Cynyddu ailgylchu gan fusnesau