Mae clwy'r traed a'r genau yn glefyd firaol hysbysadwy. Mae'n cael effaith ar wartheg, defaid, moch, geifr ac anifeiliaid eraill â charnau hollt.
Yn 2007 y cafwyd yr achos diwethaf o glwy'r traed a'r genau ym Mhrydain. Cafodd yr achosion yn y DU yn 2001 a 2007 effaith andwyol ar y diwydiant ffermio.
Amheuon a chadarnhad
Os oes gennych unrhyw amheuon fod Clwy'r Traed a'r Genau ar eich anifeiliaid, cysylltwch â'ch swyddfa Asiantaeth Iechyd Anifeiliaid a Phlanhigion leol ar 0300 303 8268 ar unwaith.
Bydd milfeddygon yr Asiantaeth yn archwilio achosion tybiedig.
Arwyddion clinigol
Gallai'r arwyddion clinigol canlynol fod yn bresennol:
- gwres uchel:
- pothelli ar y croen rhwng y goes a'r carn
- pothelli o gwmpas y trwyn, tafod a gwefusau
- cloffni
- colli archwaeth
Trosglwyddo ac atal
Gall y clefyd gael ei ledaenu:
- mewn cerbydau ac offer
- trwy gysylltiad uniongyrchol ag anifail heintiedig
- drwy fod mewn cyswllt â bwydydd wedi'u heintio.
Mae'n bosibl i'r firws gael ei gludo hefyd yn yr aer mewn amodau hinsawdd ffafriol.
Dylech ddilyn mesurau bioddiogelwch llym i atal achos o glwy'r traed a'r genau.