Coetiroedd Bach

Bydd Grant Coetiroedd Bach yn creu 100 o Goetiroedd Bach rhwng Ebrill 2023 a diwedd Mawrth 2025. Mae'n rhan o Raglen Coedwig Genedlaethol i Gymru.

Yn dilyn creu pum coetir bach fel rhan o gynllun peilot yn 2020, agorodd y cynllun hwn, sydd â chyllid gwerth £2.26 miliwn, ar 3 Ebrill. Ni sy'n ariannu'r cynllun, a bydd Cronfa Dreftadaeth y Loteri Genedlaethol yn ei weinyddu ar ein rhan.

Bydd y cynllun yn darparu cymorth ariannol i bobl creu Coetiroedd Bach. Rhaid i’r  coetiroedd hyn fod â’r potensial i fod yn rhan o Rwydwaith y Goedwig Genedlaethol yn y dyfodol. Mae hyn yn golygu coetiroedd sydd

• yn cael eu rheoli'n dda
• yn hygyrch i bobl
• yn rhoi'r cyfle i gymunedau lleol gyfrannu at goetiroedd a natur

Bydd y cynllun yn cynnig:

• grantiau gwerth hyd at £40,000 fesul safle. Caiff ymgeiswyr wneud un cais ar gyfer nifer o safleoedd. Ni chaiff cost pob safle fod dros £40,000, a'r uchafswm grant sydd ar gael fesul cais yw £250,000. Ni chaiff ymgeiswyr gyflwyno mwy nag un cais.
• cyllid gwerth hyd at 100%
• hyfforddiant cynhwysfawr gan Earthwatch ar greu Coetir Bach
• aelodaeth o rwydwaith Tiny Forest, dan arweiniad Earthwatch
• tan ddiwedd mis Mawrth i gwblhau'r prosiect
• cyllid cyfalaf a refeniw
• cyngor a chymorth gan Swyddogion Cysylltu Coetir wrth gynllunio eich prosiect

Mae'r cynllun yn agored i sefydliadau, cymunedau ac unigolion:

• sy'n berchennog neu’n rheolwr tir
• sydd am greu coetiroedd bach newydd
• a fydd yn eu rheoli ar y cyd â'r gymuned leol

Mae'r dyddiadau cau ar gyfer gwneud cais a dyddiadau ar gael (ar Cronfa Treftadaeth y Loteri Genedlaethol).

Cyn gwneud cais dylech ddarllen y canllawiau. Dylech hefyd siarad â Chronfa Dreftadaeth y Loteri Genedlaethol. 

Rydyn ni'n disgwyl i ymgeiswyr: 

• gysylltu â'ch Swyddog Cysylltu Coedwig Genedlaethol i Gymru gyda Cyfoeth Naturiol Cymru am fanylion, e-bost: StatwsCoedwigGenedlaetholCymru@cyfoethnaturiol.cymru. Gallen nhw helpu gyda'ch cais. Byddan nhw hefyd yn gallu dweud wrthych sut i ymuno â Rhwydwaith Coedwig Genedlaethol Cymru.
• gwneud cais am yr holl gydsyniadau neu ganiatadau cyn cyflwyno eich cais,  gan:
  • eich awdurdod lleol
  • Cyfoeth Naturiol Cymru (CNC)
  • cyrff perthnasol eraill fel Cadw

Ewch i Gronfa Dreftadaeth y Loteri Genedlaethol i wneud cais.  

Rydyn ni'n cynllunio rownd arall yn hwyrach yn y flwyddyn.

Am ragor o wybodaeth, cysylltwch â: CoedwigGenedlaetholCymru@llyw.cymru.