Cofnodion cyfarfod Pwyllgor Ymgynghorol Cafcass Cymru: 16 Mawrth 2021

• Jackie Murphy (JM): Cadeirydd
• Paul Apreda (PA): FNF Both Parents Matter Cymru
• Angelina Arno (AA): CAIS Ltd
• Catrin Cracroft (CC) : Cynrychiolydd Cymdeithas y Gyfraith
• Gareth Jenkins (GJ): ADSS Cymru
• Sara Kirkpatrick (SK): Cymorth i Ferched Cymru 
• Sharon Lovell (SL): Gwasanaeth Eiriolaeth Ieuenctid Cenedlaethol
• Des Mannion (DM): NSPCC Cymru
• Donna Mulhern (DMu): Gwasanaeth Llysoedd a Thribiwnlysoedd Ei Mawrhydi
• Sean O’Neill (SO): Plant yng Nghymru
• Caroline Rawson (CR): SNAP Cymru
• Dan Ronson (DR): Y Cyngor Cyfryngu Teuluol 
• Nigel Brown (NB): Cafcass Cymru
• Matthew Pinnell (MP): Cafcass Cymru
• Rhianon James (RJ): Cafcass Cymru (Ysgrifenyddiaeth)

Croesawodd y Cadeirydd bawb i’r cyfarfod a rhoddodd groeso cynnes i Donna Mulhern, Caroline Rawson ac Angelina Arno, sydd wedi ymuno â’r Pwyllgor yn ddiweddar.

Derbyniwyd ymddiheuriadau gan:

• Sarah Coldrick: Cymdeithas ar gyfer Maethu a Mabwysiadu Cymru
• Sarah Durran: TGP
• HHJ Mifflin: Y Farnwriaeth
• Zoe Richards: Anabledd Dysgu Cymru

Roedd un newid i’w nodi. O dan Eitem 5, gofynnodd PA a fyddai modd i ni nodi’r canlynol: “Holodd PA hefyd a yw Cafcass Cymru yn recordio sgyrsiau. Cadarnhaodd MP nad yw’r sefydliad yn recordio unrhyw un o’r trafodaethau platfform gyda phlant a theuluoedd”. Bydd y frawddeg hon yn cael ei hychwanegu at y cofnodion. Yn ogystal, gan gyfeirio at Eitem 8, dywedodd NB wrth yr aelodau fod Adroddiad Blynyddol Cafcass Cymru 2019-2020 wedi’i gyhoeddi ym mis Ionawr.

Nid oedd unrhyw faterion yn codi.

Deiliadaeth y Gadair

Dywedodd NB bod pedair blynedd wedi mynd heibio ers penodi JM yn Gadeirydd y Pwyllgor. Yn dilyn trafodaeth gyda JM ac yn unol â’r Cylch Gorchwyl, cytunwyd i ymestyn ei rôl am bedair blynedd arall. Diolchodd NB i JM am y modd proffesiynol a dymunol y mae’n cadeirio cyfarfodydd. Dywedodd JM ei bod wedi bod yn bleser cadeirio’r cyfarfodydd hyn a’i bod yn hapus i barhau am bedair blynedd arall.

Cylch Gorchwyl

Roedd copi diwygiedig o’r Cylch Gorchwyl wedi’i ddiweddaru wedi’i ddosbarthu i’r aelodau cyn y cyfarfod. Y newid allweddol yw dileu’r cyfeiriad at leoliad cyfarfodydd o ystyried y defnydd o MS Teams. Nodwyd bod presenoldeb hefyd wedi cynyddu ers cynnal cyfarfodydd o bell. Cytunodd y Pwyllgor i fabwysiadu’r Cylch Gorchwyl diwygiedig.

Darparodd NB drosolwg o’r atgyfeiriadau a’r ffigurau perfformio ar gyfer mis Chwefror 2021. Dilynwyd hynny gan drafodaeth fanwl, ac ymatebodd NB ac MP i gwestiynau gan aelodau o’r pwyllgor.

Gofynnodd PA am Ddangosydd Perfformiad Allweddol 3 a’r oedi wrth ffeilio adroddiadau. Esboniodd MP mai dim ond o 24 awr y byddai’r targed yn cael ei fethu fel arfer oherwydd materion gweinyddol neu mewn achosion lle nad oedd ymarferwyr wedi gallu cysylltu â defnyddwyr gwasanaeth. Ychwanegodd NB fod Cafcass Cymru yn ceisio lleihau’r bwlch rhwng y dyddiad ffeilio a dyddiad y gwrandawiad ac nad yw wedi achosi oedi mewn perthynas â’r achos llys yn mynd yn ei flaen.

Gofynnodd PA a oedd unrhyw ddata y dylid ei rannu yn y cyfarfod nesaf ynghylch yr amser y mae Llysoedd yn ei roi i Cafcass Cymru i ffeilio adroddiadau adran 7 a allai werthuso arwyddocâd yr ‘oedi’ wrth ffeilio adroddiadau o fewn y system Cyfraith Breifat gyffredinol.

Gweithredu: MP wedi nodi hynny a chytunodd i roi sylw iddo yn y cyfarfod nesaf.

Dywedodd NB wrth yr aelodau nad oedd Cafcass Cymru wedi gwneud unrhyw newidiadau i’w Fframwaith Cyflenwi Gwasanaethau Dros Dro. Cynghorir ymarferwyr i barhau â chyfarfodydd o bell, oni bai eu bod o’r farn bod angen cael cyfarfod wyneb yn wyneb. Caiff y trefniadau hyn eu hadolygu’n barhaus a byddant yn cael eu diweddaru yn unol â hynny.

Dosbarthwyd y diweddariad hwn i aelodau cyn y cyfarfod. Darparodd NB drosolwg llawn o’r wybodaeth yn yr adroddiad, gyda mewnbwn gan GJ. Ychwanegodd GJ fod y

Cyhoeddi Adroddiad Gweithgor Cyfraith Gyhoeddus

Nododd NB fod yr Adroddiad Diwygio Cyfraith Gyhoeddus terfynol wedi’i gyhoeddi ar 1 Mawrth a’i lansio ar 9 Mawrth gyda dros 1,000 o bobl yn ymuno â’r digwyddiad ar-lein. Mae’r adroddiad yn cynnwys argymhelliad ar gyfer newid, canllawiau arferion gorau i weithwyr proffesiynol sy’n gweithio yn y system cyfiawnder teuluol ac awgrymiadau ar gyfer gweithio gyda phlant a phobl ifanc a ddatblygwyd gan aelodau o Fwrdd Cyfiawnder Teuluol Pobl Ifanc (FJYPB). Mae digwyddiadau hyfforddi ar lefel genedlaethol a lleol yn cael eu trefnu, a bydd Cafcass Cymru yn hwyluso gweithdai gyda chynghorwyr llysoedd teulu.

Diwygio Cyfraith Breifat     

Darparodd MP ddiweddariad o waith y Gweithgor Cyfraith Breifat, sy’n cael ei lywio gan Adroddiad y Gweithgor (a gyhoeddwyd ym mis Mehefin 2020) a’r adroddiad ar “Asesu’r Risg o Niwed i Blant a Rhieni mewn Achosion Plant Cyfraith Breifat”.

Dywedodd MP fod Gogledd Cymru wedi’i nodi ar gyfer Cynllun Peilot Braenaru yng Nghymru i brofi ffyrdd newydd o weithio mewn perthynas â gwaith cyfraith breifat. Uchelgais y peilot yw datblygu model sy’n mynd i’r afael â’r argymhellion a nodir yn y ddau adroddiad a grybwyllir uchod. Bydd rhagor o wybodaeth ar gael mewn cyfarfodydd yn y dyfodol.

Hysbysodd GJ yr aelodau fod Llywodraeth Cymru wedi gwahodd ceisiadau ar gyfer tair ardal Barnwyr Teulu Dynodedig (DFJ) yng Nghymru i dreialu Llys Teulu Cyffuriau ac Alcohol (FDAC) wedi’i ariannu gan Lywodraeth Cymru. Llwyddodd ardal De-ddwyrain Cymru DFJ i sicrhau’r cyllid i ddatblygu a gweithredu FDAC. Mae model FDAC yn cynnwys tîm amlddisgyblaethol sydd â’r nod o gefnogi rhieni i wneud newidiadau sy’n ofynnol er mwyn iddynt ofalu am eu plant yn ddiogel. Yn dilyn dadansoddiad o ddata, penderfynwyd dechrau’r peilot yn Llys Caerdydd gyda’r bwriad o’i ymestyn ar draws ardal y de-ddwyrain yn ystod oes y peilot dwy flynedd. Gorffennodd GJ drwy ddweud y bydd yn diweddaru’r Pwyllgor Cynghori mewn cyfarfodydd i ddod.

Diolchodd y Cadeirydd i GJ am y diweddariad a dywedodd ei bod yn edrych ymlaen at dderbyn y diweddariadau.

Nid oedd Sarah Durrant, TGP, yn gallu bod yn bresennol yn y cyfarfod ac roedd wedi anfon ei hymddiheuriadau.

NSPCC Cymru

Dywedodd y Cadeirydd wrth yr aelodau mai dyma fyddai’r tro olaf y byddai DM yn mynychu cyfarfod Pwyllgor Cynghori Cafcass Cymru. Bydd Tracey Holdsworth yn cynrychioli’r NSPCC mewn cyfarfodydd i ddod. Diolchodd y Cadeirydd i DM am ei gyfraniad. Ychwanegodd iddi fwynhau ei wybodaeth, ei brofiad a’i gyngor dros y blynyddoedd a dymunodd pob lwc iddo i’r dyfodol. Diolchodd DM i Gadeirydd ac aelodau’r Pwyllgor a dywedodd ei bod wedi bod yn braf gallu gorffen gyda diweddariad cadarnhaol GJ.

CAIS Ltd

Dywedodd AA y byddai CAIS Ltd yn uno ag Adferiad, WACADA a Hafal ac o 1 Ebrill ymlaen, byddai’n cael ei alw’n Adferiad Recovery. Cadarnhaodd yr Ysgrifenyddiaeth y byddai’n gwneud y newidiadau angenrheidiol i’r Cylch Gorchwyl.

New Members

Dywedodd NB wrth yr aelodau ei fod wedi cael sgwrs yn ddiweddar gyda chydlynydd y Bwrdd Cyfiawnder Teuluol Pobl Ifanc (FJYPD) gyda’r bwriad o wahodd un o aelodau’r Bwrdd i fod yn aelod o Bwyllgor Ymgynghorol Cafcass Cymru. Cafodd y cynnig hwn dderbyniad cadarnhaol gan aelodau’r Pwyllgor.

Future Times of Meetings

Er mwyn cyd-fynd ag anghenion y person ifanc, dywedodd NB y byddai angen newid amser cychwyn cyfarfodydd y Pwyllgor i tua 15:30.

Gweithredu: RJ i ddosbarthu e-bost at aelodau i holi eu barn ar y newid amser yn ogystal â chael barn aelodau ar gadw cyfarfodydd o bell.

Gan nad oedd mater arall i’w drafod, daeth y cyfarfod i ben.

Cynhelir y cyfarfod nesaf am 4.00 pm ar ddydd Mawrth, 29 Mehefin 2021

Diolchodd y Cadeirydd i aelodau Pwyllgor Cynghori Cafcass Cymru am eu hamser a’u cyfraniad gwerthfawr i’r cyfarfod.