Cyfarfod Bwrdd Cyflawni’r Corff Cenedlaethol ar gyfer Gwaith Ieuenctid (NBYW) yng Nghymru: 14 Tachwedd 2025

• Ruth Meadows (Cadeirydd), Cyfarwyddwr Addysg Drydyddol, Llywodraeth Cymru (RM)
• Sharon Davies, Pennaeth Addysg, Cymdeithas Llywodraeth Leol Cymru (ShD)
• Steve Davis, Prif Swyddog Ieuenctid, Cyngor Sir Penfro (SD)
• Steve Drowley, Cadeirydd, Safonau Addysg Hyfforddiant Cymru (SDr)
• Paul Glaze, Prif Weithredwr, Cyngor Cymreig y Gwasanaethau Gwaith Ieuenctid Gwirfoddol (PG)
• Sian Lewis, Prif Weithredwr, Urdd Gobaith Cymru (SL)
• Victoria Allen, Uwch Reolwr Strategaeth Gwaith Ieuenctid, Llywodraeth Cymru (VA)
• Dyfan Evans, Pennaeth y Gangen Ymgysylltu ag Ieuenctid, Llywodraeth Cymru (DE)
• Bethan Langmay, Rheolwr Strategaeth Gwaith Ieuenctid, Llywodraeth Cymru (BL)
• Jo Trott, Dirprwy Gyfarwyddwr, Llwybrau Dysgu, Llywodraeth Cymru (JT)

Ymddiheuriadau

• Loren Henry, Prif Weithredwr, Urban Circle
• Catherine Taylor, Prif Swyddog Ieuenctid, Cyngor Sir Ddinbych

Croesawodd RM aelodau’r Bwrdd i gyfarfod cyntaf y Bwrdd Cyflawni. Cyflwynodd aelodau’r Bwrdd eu hunain, gan nodi eu rolau presennol a’u profiad. Eglurodd RM weledigaeth y Bwrdd a’r rôl hollbwysig fydd iddo wrth ddarpari NBYW i Gymru.

Rhoddodd swyddogion grynodeb o'r cefndir a arweiniodd at argymhelliad y Bwrdd Gwaith Ieuenctid Interim, yn ei adroddiad terfynol ar gyfer Llywodraeth Cymru, i sefydlu NBYW i ddarparu gwell arweinyddiaeth strategol, cefnogi cydlyniant a hwyluso gwaith gyda'r nod o wella ansawdd a chynaliadwyedd gwaith ieuenctid yng Nghymru.

Adeiladai hyn ar alwadau cynharach, gan gynnwys y rhai gan y Pwyllgor Plant, Pobl Ifanc ac Addysg yn 2016, a glywodd dystiolaeth i gefnogi model cenedlaethol i yrru polisi a chamau gweithredu ym maes gwaith ieuenctid ar draws y sectorau statudol a gwirfoddol, wrth alluogi penderfyniadau lleol i lunio darpariaeth mewn ymateb i anghenion lleol.

Cytunodd y Bwrdd ar y Cylch Gorchwyl mewn egwyddor, yn amodol ar fân ddiwygiadau, gan gynnwys ymgorffori arfer da cenedlaethol a rhyngwladol mewn gwaith ieuenctid, yn y Cylch Gorchwyl. Croesawodd yr Aelodau gynigion ar gyfer is-grwpiau thematig 'gorchwyl a gorffen' i ganolbwyntio ar ffrydiau gwaith penodol ac ategu trafodaethau'r Bwrdd, gyda phwyslais ar ymgorffori lleisiau pobl ifanc.

Cadarnhawyd, yn unol â'r Hysbysiad Preifatrwydd, y bydd enwau a sefydliadau'r aelodau yn cael eu cyhoeddi ar wefan Llywodraeth Cymru mewn cofnodion a datganiadau ysgrifenedig. Gofynnodd yr aelodau am arweiniad clir ar ba wybodaeth y gellir ei rhannu'n briodol ag eraill y tu allan i gyfarfodydd y Bwrdd.

Camau gweithredu

• Swyddogion i ddiweddaru’r Cylch Gorchwyl i adlewyrchu awgrymiadau’r Bwrdd.
• Yr aelodau i gysylltu â BL gydag unrhyw gwestiynau ynghylch yr Hysbysiad Preifatrwydd.
• Swyddogion i roi arweiniad yn y cyfarfod nesaf ynghylch cyfathrebu â’r sector ehangach.

Lluniodd swyddogion ddrafft cychwynnol o ddiben a swyddogaethau arfaethedig yr NBYW. Mae'r rôl a'r cylch gwaith drafft hwn yn nodi y byddai'r NBYW yn canolbwyntio ar ddarparu arweinyddiaeth strategol, uno llais y sector, a hyrwyddo gwaith ieuenctid. Cynigiwyd y byddai'n chwarae rôl allweddol wrth gefnogi cydweithredu rhwng sefydliadau ar draws y sector a thu hwnt, cydlynu gweithgarwch datblygu'r gweithlu a hyfforddi, datblygu ymchwil, gweithredu’n ganolbwynt ar gyfer rhannu arfer gorau, a meithrin arloesedd.

Pwysleisiodd swyddogion mai'r nod oedd i'r NBYW helpu sefydliadau i ymateb i flaenoriaethau cenedlaethol wrth barchu annibyniaeth leol wrth ddylunio a darparu gwasanaethau, cynigiwyd na fyddai'r NBYW yn rheoli nac yn arolygu gwasanaethau lleol, nac yn ymgymryd â rolau rheoleiddiol megis cofrestru'r gweithlu neu gymeradwyo cymwysterau, a fyddai'n aros gyda chyrff presennol.

Cynhelir rhagor o ymgysylltu i fireinio’r cynigion hyn mewn cydweithrediad â rhanddeiliaid. Bydd swyddogion yn drafftio fersiwn gweithio o’r rôl a’r cylch gwaith i arwain trafodaethau parhaus gyda’r Bwrdd wrth i’r gwaith ddatblygu.

Camau gweithredu

• Swyddogion i lunio dogfen weithio ar swyddogaethau arfaethedig yr NBYW.

Canolbwyntiodd y drafodaeth ar gynllunio ymgysylltu sy'n galluogi pobl ifanc i wneud sylwadau ystyrlon ar faterion diriaethol sy'n ymwneud â sefydlu a gweithredu NBYW, yn ogystal ag osgoi gorlwyth ymgynghori.

Awgrymodd yr aelodau y gellid ymgorffori ymgysylltu cychwynnol â rhanddeiliaid yn y gweithgaredd ymgysylltu presennol neu a gynlluniwyd gyda'r sector gwaith ieuenctid.

Camau gweithredu

• Aelodau’r Bwrdd i hysbysu swyddogion o unrhyw ymgysylltu â’r sector gwaith ieuenctid sydd wedi’i gynllunio.
• Swyddogion i gyflwyno cynlluniau ymgysylltu diwygiedig, gan ystyried sylwadau aelodau’r Bwrdd, yn y cyfarfod nesaf.

Cynhelir y ddau gyfarfod nesaf ar 8 Ionawr a 25 Chwefror.