Cyfarfod Bwrdd Gweithredu Strategaeth Gwaith Ieuenctid: 15 Mai 2025

• Sharon Lovell (SL) (Cadeirydd)
• Marco Gil-Cervantes (MG)
• Shahinoor Alom (SA)
• Deb Austin (DA)
• David Williams (DW)
• Sian Elen Tomos (ST)
• Lowri Jones (LJ)
• Simon Stewart (SS)
• Dyfan Evans, Pennaeth y Gangen Ymgysylltu â Ieuenctid, Llywodraeth Cymru (DE)
• Dareth Edwards, Uwch-reolwr Strategaeth Gwaith Ieuenctid, Llywodraeth Cymru (DaE)
• Victoria Allen, Uwch-reolwr Strategaeth Gwaith Ieuenctid, Llywodraeth Cymru (VA)
• Tom Kitschker, Swyddog Cymorth Tîm y Gangen y Gangen Ymgysylltu â Ieuenctid, Llywodraeth Cymru (TK)
• Bethan Langmay, Llywodraeth Cymru (BL)

Ymddiheuriadau

• Joanne Sims (JS)
• Jo Trott, Dirprwy Gyfarwyddwr Llwybrau Dysgwyr, Llywodraeth Cymru (JT)

Gwrthdaro buddiannau

Dim wedi ei ddatgan.

Adolygodd y Bwrdd y cofnodion a'r camau gweithredu o'r cyfarfod diwethaf a gynhaliwyd ar 20 Mawrth 2025. Rhoddodd swyddogion ddiweddariad ar y pwyntiau gweithredu.

Mynegodd aelodau'r bwrdd eu gwerthfawrogiad o waith ETS Cymru, mewn cydweithrediad â Grŵp Datblygu'r Gweithlu, i ddatblygu'r Cynllun gweithredu. O ran blaenoriaethu, roedd y Bwrdd yn teimlo bod yr holl amcanion yn bwysig a gwahoddodd ETS Cymru i weithio gyda'r sector i lunio'r blaenoriaethau.

Myfyriodd aelodau'r bwrdd ar yr angen i ganolbwyntio ar gadw'r gweithlu ac i fynd i'r afael â'r gostyngiad ymddangosiadol yn nifer y gwirfoddolwyr yn y sector. Pwysleisiodd aelodau'r bwrdd hefyd bwysigrwydd sicrhau bod cyfleoedd i bobl ifanc yn cael eu siapio ganddyn nhw.

Mae’r gwahaniaeth parhaus rhwng mynediad at gyllid ymhlith gweithwyr addysg proffesiynol. Felly, galwodd aelodau'r bwrdd am fynediad cyfartal i'r Hawl ar gyfer Dysgu Proffesiynol i annog pobl i ymuno â'r sector ac i'r ymarferwyr hynny sy'n gweithredu fel Gweithwyr Cymorth Ieuenctid i gymhwyso'n broffesiynol a symud ymlaen yn eu gyrfa ym maes gwaith ieuenctid.

Cefnogodd aelodau'r Bwrdd y cynnig bod swyddogion yn gwahodd ETS Cymru i ddatblygu cynllun gweithredu blynyddol ar gyfer 2025 to 2026 a 2026 to 2027 i gyflawni'r amcanion a nodir yng Nghynllun Datblygu'r Gweithlu. Bydd ETS Cymru yn cael ei wahodd i weithio gyda chynrychiolwyr ar draws y sector i ddatblygu'r cynlluniau gweithredu hyn a'u cyflwyno i Lywodraeth Cymru erbyn diwedd mis Awst 2025. Argymhellodd aelodau'r bwrdd hefyd fod ETS Cymru yn ystyried y camau y gallai fod angen eu cymryd y tu hwnt i 2026 i 2027.

Cam gweithredu: Swyddogion i wahodd ETS Cymru i ddatblygu cynlluniau gweithredu blynyddol ar gyfer 2025 i 2026 a 2026 i 2027 i gyflawni amcanion Cynllun Datblygu'r Gweithlu.

Trafododd y Bwrdd y cerrig milltir allweddol a nodwyd gan swyddogion hyd at ddiwedd oes y Bwrdd ym mis Medi 2025. Rhannodd aelodau'r Bwrdd eu pryderon am y diffyg trefniadau presennol ar gyfer yr ymgysylltu rhwng Llywodraeth Cymru a'r sector gwaith ieuenctid y tu hwnt i'r dyddiad hwn a gofynnwyd i swyddogion symud ymlaen i wneud trefniadau priodol cyn gynted â phosibl.

Roedd y Bwrdd hefyd yn awyddus i gael cyfle i gasglu cynrychiolwyr o bob rhan o'r sector gwaith ieuenctid cyn diwedd mis Medi i grynhoi'r hyn sydd wedi'i gyflawni yn ystod deiliadaeth y Bwrdd.

Trafododd aelodau'r bwrdd strwythur presennol y Grwpiau Cyfranogiad Gweithredu, a pha feysydd sydd angen grwpiau pwrpasol y tu hwnt i fis Medi 2025. Bydd y Bwrdd yn trafod hyn yn fanylach yn eu cyfarfod ym mis Gorffennaf.

Cam gweithredu: Swyddogion i ystyried y strwythur ar gyfer parhau i ymgysylltu â'r sector gwaith ieuenctid y tu hwnt i fis Medi 2025.

Cam gweithredu: Swyddogion i edrych ar drefniadau ar gyfer digwyddiad traws-sector posibl ym mis Medi 2025.

Diolchodd y Bwrdd i swyddogion am adroddiad cynhwysfawr ar y risgiau allweddol a'u lliniaru. Canolbwyntiodd y drafodaeth ar risgiau o ran parhad wrth drosglwyddo'r awenau a throsglwyddo'r gwaith wedi diwedd oes y Bwrdd. 

Rhoddodd swyddogion yr wybodaeth ddiweddaraf am waith mewn perthynas â fframwaith statudol ar gyfer gwaith ieuenctid, y posibilrwydd o sefydlu corff cenedlaethol ar gyfer gwaith ieuenctid yn ogystal ag Wythnos Gwaith Ieuenctid. 

Trefnir cyfarfod ar wahân hefyd i aelodau'r Bwrdd drafod gwaith y Grŵp 'Mae Pobl Ifanc yn Ffynnu' ar ddatblygu strwythur llywodraethu dan arweiniad pobl ifanc ar gyfer gwaith ieuenctid yng Nghymru.

Awgrymwyd y pynciau canlynol gan aelodau'r Bwrdd i'w cynnwys yn yr agenda ar gyfer cyfarfod nesaf y Bwrdd ar 10 Gorffennaf 2025:

• Trefniadau ymgysylltu trosiannol y tu hwnt i fis Medi 2025.
• Crynhoi'r prif gyflawniadau yn ystod deiliadaeth y Bwrdd.