Cyfarfod Grŵp Cynghori ar Ddeallusrwydd Artiffisial Strategol: 22 Gorffennaf 2025

Cadeirydd: Rebecca Evans AS, Ysgrifennydd y Cabinet dros yr Economi, Ynni a Chynllunio
Diane Gutiw, CGI
Jeegar Kakkad, Sefydliad Tony Blair ar gyfer Newid Byd-eang
Ruth McGuinness, Kainos
Walter Pasquarelli, Cynghorydd ar AI a Realiti Synthetig
Marloes Pomp, Fforwm AI Ewrop
Rachel Purchase, Llyngesydd
Santosh Takoor, Microsoft UK
Harriet Green, Y Ganolfan Gwasanaethau Cyhoeddus Digidol
Matt Lewis, Y Grŵp Arweinyddiaeth AI Ar Draws y Sector Cyhoeddus yng Nghymru
Lindsey Phillips, Cymdeithas Llywodraeth Leol Cymru
Helen Arthur, Llywodraeth Cymru
Jas Pal Baydal, Llywodraeth Cymru 
Janine Pepworth, Llywodraeth Cymru
Mike Thomas, Llywodraeth Cymru

Gina Neff, Prifysgol y Frenhines Mary Llundain
Shavanah Taj, TUC Cymru

1.1 Croesawodd Ysgrifennydd y Cabinet yr aelodau ac amlinellodd bwrpas y Grŵp, gan dynnu sylw at yr uchelgais i Gymru fod ar flaen y gad o ran datblygiadau AI moesegol a diogel.

1.2 Rhoddodd pob aelod o'r grŵp gyflwyniad byr, yn amlinellu eu cefndir a'u harbenigedd AI.

2.1 Rhoddodd swyddogion Llywodraeth Cymru drosolwg o'r dirwedd AI yng Nghymru, gan ganolbwyntio ar gyfansoddiad eang y sector cyhoeddus, ecosystemau AI cyfredol a threfniadau llywodraethu.

2.2 Nododd swyddogion Llywodraeth Cymru heriau allweddol yn y sector cyhoeddus ac amlygwyd potensial AI i leihau'r galw am wasanaethau, cynyddu effeithlonrwydd, a gwella cymorth wedi'i deilwra, yn enwedig mewn gofal cymdeithasol, iechyd a gwasanaethau sy'n wynebu'r cyhoedd. 

2.3 Codwyd yr angen am rannu offer AI yn effeithiol ar draws y sector er mwyn lleihau dyblygu ymdrech.

3.1 Gwahoddodd Ysgrifennydd y Cabinet y grŵp i nodi cyfleoedd allweddol ar gyfer AI yn y sector cyhoeddus yng Nghymru ac i dynnu sylw at ddatblygiadau byd-eang perthnasol i'w hystyried.

3.2 Trafododd y grŵp gyfleoedd i Gymru arwain mewn AI moesegol drwy ei model partneriaeth gymdeithasol, blaenoriaethu mabwysiadu mewn meysydd fel addysg, iechyd ac ymgysylltu â dinasyddion, ac archwilio cynlluniau peilot y gellir eu heangu gan ddefnyddio dull blwch tywod.

3.3 Tynnodd y grŵp sylw hefyd at bwysigrwydd cydweithio, caffael fel dull trawsnewid, a diogelu at y dyfodol drwy arloesi sy'n cael ei yrru gan broblemau.

4.1 Cytunodd y grŵp ar Gylch Gorchwyl drafft.

5.1 Daeth Ysgrifennydd y Cabinet y cyfarfod i ben drwy amlinellu camau nesaf y grŵp, sy'n cynnwys nodi meysydd blaenoriaeth a all gael effaith ystyrlon yng nghyd-destun Cymru.