Cyfarfod Grŵp Cynghorol Cymru ar Drethi: 15 Ionawr 2015

Aelodau'r Grŵp Cynghori ar Drethi

• Y Gweinidog Cyllid a Busnes y Llywodraeth - Jane Hutt AC (Cadeirydd)
• Andrew Evans - Geldards
• Y Cynghorydd Aaron Shotton - Cymdeithas Llywodraeth Leol Cymru (CLlLC)
• David Phillips - Y Sefydliad Astudiaethau Cyllid (IFS)
• Frank Haskew - Sefydliad Cyfrifwyr Siartredig Cymru a Lloegr (ICAEW)
• Kay Powell - Cymdeithas y Cyfreithwyr
• Leighton Jenkins ar ran Emma Watkins - Cydffederasiwn Diwydiant Prydain (CBI) Cymru
• Martin Warren - Sefydliad Cyfrifwyr Siartredig Cymru a Lloegr (ICAEW, Cymru)
• Martin Mansfield - Cyngres yr Undebau Llafur Cymru
• Robert Lloyd Griffiths – Sefydliad y Cyfarwyddwyr (IoD) Cymru
• Ruth Marks – Cyngor Gweithredu Gwirfoddol Cymru (WCVA)

Yn bresennol

• Jeff Andrews - Cynghorydd Arbenigol i'r Gweinidog Cyllid
• Andrew Jeffreys – Cyfarwyddwr y Trysorlys
• Bethan Davies - Cymorth Prosiect Deddfwriaeth Trethi Datganoledig
• Beverley Morgan - Polisi a Dadansoddi, Trechu Tlodi – Llywodraeth Leol a Chymunedau
• Gareth Morgan - Dirprwy Gyfarwyddwr, Dadansoddi a Strategaeth Ariannol
• Georgina Haarhoff - Pennaeth Polisi a Deddfwriaeth Trethi
• Huw Owen - Pennaeth Polisi Economaidd - Yr Economi, Gwyddoniaeth a Thrafnidiaeth
• Paul Webb - Rheolwr Prosiect Cronfa Buddsoddi Cymru mewn Adfywio
• Richard Clarke - Rheolwr Prosiectau Gweinyddu Trethi
• Ruth Leggett - Rheolwr Cyfathrebu ac Ymgysylltu Strategol, Dadansoddi a Strategaeth Ariannol
• Tom Nicholls - Cynghorydd Economaidd
• Trudi King - Yr Ysgrifenyddiaeth

1. Croesawodd y Gweinidog Cyllid a Busnes y Llywodraeth y rhai oedd yn bresennol i bedwaredd cyfarfod Grŵp Cynghori ar Drethi Cymru.

2. Croesawodd y Gweinidog Ruth Marks i'w chyfarfod cyntaf ers ymgymryd â swydd Prif Weithredwr Cyngor Gweithredu Gwirfoddol Cymru (WCVA) ddechrau mis Ionawr. Diolchodd y Gweinidog i Phil Jarrold am ei gyfraniad i'r grŵp yn ystod y flwyddyn ddiwethaf.

3. Rhoddodd y Gweinidog amlinelliad byr o'r datblygiadau ers y cyfarfod diwethaf, gan gynnwys bod Bil Cymru wedi cael Cydsyniad Brenhinol; trafodaethau trawsbleidiol ar ddatganoli pellach; adroddiad Comisiwn Smith ar gynigion i'r Alban; a’r pecyn o fesurau ariannol a gytunwyd ar gyfer Gogledd Iwerddon.

4. Rhoddodd Gareth Morgan yr wybodaeth ddiweddaraf yn gryno am y datblygiadau diweddaraf ar ôl i Fil Cymru gael Cydsyniad Brenhinol, gan gynnwys diwygiadau ariannol ehangach.

5.Rhoddodd Richard Clarke gyflwyniad byr ar yr ymatebion i'r ymgynghoriad ar gasglu a rheoli trethi.

6.Rhoddodd Bethan Davies amlinelliad o'r ddogfen ymgynghori sy'n cael ei datblygu arnewid y Dreth Dirlenwi yng Nghymru, gan ganolbwyntio'n benodol ar y Gronfa Gymunedol ar Dirlenwi.

7. Cynhelir yr ymgynghoriad ar y Dreth Trafodiadau Tir ar 10 Chwefror 2015 a bydd yn rhedeg am 12 wythnos. Rhoddodd Tom Nicholls drosolwg o'r ddogfen ymgynghori.

8. Pwysleisiodd y Gweinidog bwysigrwydd defnyddio'r ddau gyfnod ymgynghori i hel meddyliau a syniadau gan wahanol sectorau.

9. Byddai aelodau'r Grŵp Cynghori ar Drethi yn datblygu ac yn treialu platfform trafod ar-lein.