Cyfarfod y Cabinet: 15 Medi 2025

• Y Gwir Anrhydeddus Eluned Morgan AS (Cadeirydd)
• Huw Irranca-Davies AS
• Jayne Bryant AS
• Mark Drakeford AS
• Rebecca Evans AS
• Jane Hutt AS
• Julie James AS
• Jeremy Miles AS
• Lynne Neagle AS
• Ken Skates AS
   
• Dawn Bowden AS
• Vikki Howells AS
• Sarah Murphy AS
• Jack Sargeant AS 

Swyddogion

• Andrew Goodall, yr Ysgrifennydd Parhaol
• Rachel Garside-Jones, Cyfarwyddwr Swyddfa’r Prif Weinidog a Chyflawni
• Rebecca Dunn, Pennaeth Is-adran y Cabinet
• Victoria Jones, Prif Ysgrifennydd Preifat y Prif Weinidog
• Toby Mason, Pennaeth Cyfathrebu Strategol
• Sinead Gallagher, Dirprwy Gyfarwyddwr Swyddfa'r Cabinet
• Luke Young, Cynghorydd Arbennig
• Sarah Dickins, Cynghorydd Arbennig
• Madeleine Brindley, Cynghorydd Arbennig
• Haf Davies, Cynghorydd Arbennig
• Victoria Evans, Cynghorydd Arbennig
• David Hooson, Cynghorydd Arbennig
• Nadila Hussein, Cynghorydd Arbennig
• Kirsty Keenan, Cynghorydd Arbennig
• Jackie Jones, Cynghorydd Arbennig
• Stephen Jones, Cynghorydd Arbennig
• Philippa Marsden, Cynghorydd Arbennig
• Martha O'Neil, Cynghorydd Arbennig
• Mary Wimbury, Cynghorydd Arbennig
• Christopher W Morgan, Pennaeth Ysgrifenyddiaeth y Cabinet (cofnodion)
• Damian Roche, Ysgrifenyddiaeth y Cabinet
• Helena Bird, Swyddfa’r Ysgrifennydd Parhaol
• Carwyn Wycherley, Swyddfa'r Cabinet
• Kath Hallett, Swyddfa’r Prif Weinidog
• Tracey Burke, Cyfarwyddwr Cyffredinol Newid Hinsawdd a Materion Gwledig
• Sioned Evans, Prif Swyddog Gweithredu
• Judith Paget, Cyfarwyddwr Cyffredinol Iechyd
• Andrew Slade, Cyfarwyddwr Cyffredinol yr Economi, Ynni a Thrafnidiaeth
• Emma Williams, Cyfarwyddwr Cyffredinol Addysg, Diwylliant a'r Gymraeg
• Nia James, Cyfarwyddwr Gwasanaethau Cyfreithiol

1.1 Cymeradwyodd y Cabinet gofnodion y 14 Gorffennaf 2025.   

2.1 Croesawodd y Prif Weinidog Ysgrifenyddion y Cabinet a'r Gweinidogion yn ôl wedi haf anodd. 

Teyrnged i Hefin David AS 

2.2 Dywedodd y Prif Weinidog y byddai'n arwain y teyrngedau i Hefin David yn y Cyfarfod Llawn y diwrnod canlynol. Roedd meddyliau’r Cabinet gyda Vikki Howells a’i theulu o hyd.

Toriad yr haf

2.3 Cydnabuwyd bod toriad yr haf wedi bod yn un prysur gydag ymrwymiadau Gweinidogol drwy gydol y cyfnod. Yn benodol, diolchodd y Prif Weinidog i'r Dirprwy Brif Weinidog ac Ysgrifennydd y Cabinet dros Newid Hinsawdd a Materion Gwledig, a chwaraeodd ran flaenllaw yn y Digwyddiad Mawr a ddatganwyd gan Wasanaeth Tân ac Achub De Cymru mewn ymateb i'r tân gwyllt mawr yng Nghlydach Dingle a Llangatwg. Roedd hefyd yn bresennol mewn nifer o sioeau amaethyddol. 

Canlyniadau arholiadau  

2.4 Diolchodd y Prif Weinidog hefyd i Ysgrifennydd y Cabinet dros Addysg am ei harweinyddiaeth ar draws y portffolio, yn enwedig mewn perthynas â chanlyniadau arholiadau. O ran canlyniadau TGAU, gwelwyd gwelliannau ar draws yr holl ystod graddau allweddol, gyda'r graddau uchaf yn uwch na'r flwyddyn flaenorol ac yn sylweddol uwch na 2019. O ran canlyniadau Safon Uwch, roedd y darlun yn eithaf sefydlog o'i gymharu â'r flwyddyn flaenorol, gydag arwyddion calonogol o welliant mewn graddau pwysig ac mewn rhai pynciau allweddol. O'u cymharu â'r canlyniadau cyn Covid, roedd y gwelliannau hyd yn oed yn fwy nodedig. 

Cod y Gweinidogion  

2.5 Dywedodd y Prif Weinidog wrth y Cabinet fod fersiwn ddiwygiedig o God y Gweinidogion wedi'i chyhoeddi yr wythnos flaenorol.

3.1 Ystyriodd y Cabinet Grid y Cyfarfodydd Llawn a nodwyd y byddai'r sesiwn ddydd Mawrth yn dechrau gyda theyrngedau i Hefin David AS, gyda seibiant byr cyn Cwestiynau'r Prif Weinidog. Roedd yr amser pleidleisio wedi'i drefnu ar gyfer 6.45pm ddydd Mawrth a thua 6.25pm ddydd Mercher.

4.1 Rhoddodd Ysgrifennydd y Cabinet dros Gyfiawnder Cymdeithasol, y Trefnydd a'r Prif Chwip ddiweddariad llafar i'r Cabinet ar Gydlyniant Cymunedol.

4.2 Roedd Cymru'n wynebu ton o naratifau a chamwybodaeth feirol ynghylch gwrth-fudwyr a oedd yn arwain at brotestiadau, yn debyg i weddill y DU. Er enghraifft, cynhaliwyd protestiadau a gwrth-brotestiadau yn y Rhws, yr Wyddgrug a'r Drenewydd, digwyddiad yn ymwneud â thargedu sgowtiaid o'r Alban yn Nhrecelyn a graffiti eithafol ym Maesteg.

4.3 Roedd mwy o sylw hefyd ar weithgarwch y Llywodraeth a'r trydydd sector i hyrwyddo cydraddoldeb, cynhwysiant a hawliau dynol yng Nghymru, fel y polisi Cenedl Noddfa. 

4.4 Mewn ymateb, y bwriad oedd ail-lansio'r ymgyrch Mae Casineb yn Brifo Cymru, a fyddai'n annog dioddefwyr i roi gwybod am droseddau casineb ac yn annog gwyliedyddion i weithredu. Parhaodd y Llywodraeth i ariannu Canolfan Cymorth Casineb Cymru i ddarparu cymorth wedi'i deilwra i ddioddefwyr troseddau casineb. Roedd y pecyn cymorth ar gamwybodaeth i randdeiliaid cymunedol hefyd ar gael i helpu arweinwyr cymunedol i ymdrin â gwybodaeth a allai fod yn ffug ac yn niweidiol. Ar ben hynny, roedd gwaith yn parhau i ystyried camau y gellid eu cymryd i amddiffyn y rhai sy'n sefyll dros gydraddoldeb a chynhwysiant, yn ogystal â helpu dinasyddion Cymru i wahaniaethu'n well rhwng ffeithiau a ffuglen.

4.5 Nododd y Cabinet y diweddariad.

Ysgrifenyddiaeth y Cabinet
Medi 2025