Cyfarfod y Cabinet: 19 Chwefror 2024

• Y Gwir Anrh. Mark Drakeford AS (Cadeirydd) 
• Rebecca Evans AS
• Vaughan Gething AS
• Lesley Griffiths AS 
• Jane Hutt AS 
• Julie James AS 
• Jeremy Miles AS
• Eluned Morgan AS
• Mick Antoniw AS 
   
• Hannah Blythyn AS 
• Dawn Bowden AS 
• Julie Morgan AS 
• Lynne Neagle AS
• Lee Waters AS

Swyddogion

• Andrew Goodall, yr Ysgrifennydd Parhaol
• Des Clifford, Cyfarwyddwr, Swyddfa’r Prif Weinidog
• Matthew Hall, Pennaeth Is-adran y Cabinet 
• Toby Mason, Pennaeth Cyfathrebu Strategol 
• Rory Powell, Pennaeth Swyddfa’r Prif Weinidog
• Jane Runeckles, Cynghorydd Arbennig 
• Madeleine Brindley, Cynghorydd Arbennig
• Alex Bevan, Cynghorydd Arbennig 
• Daniel Butler, Cynghorydd Arbennig
• Ian Butler, Cynghorydd Arbennig
• Kate Edmunds, Cynghorydd Arbennig 
• Sara Faye, Cynghorydd Arbennig
• Sam Hadley, Cynghorydd Arbennig   
• David Hooson, Cynghorydd Arbennig
• Clare Jenkins, Cynghorydd Arbennig 
• Owen John, Cynghorydd Arbennig
• Phillipa Marsden, Cynghorydd Arbennig 
• Tom Woodward, Cynghorydd Arbennig
• Christopher W Morgan, Pennaeth Ysgrifenyddiaeth y Cabinet (cofnodion) 
• Damian Roche, Ysgrifenyddiaeth y Cabinet 
• Catrin Sully, Swyddfa’r Cabinet 
• Kathryn Hallett, Swyddfa’r Prif Weinidog
• Helena Bird, Swyddfa’r Ysgrifennydd Parhaol
• Nia James, Cyfarwyddwr Dros Dro Gwasanaethau Cyfreithiol 
• Tracey Burke, Cyfarwyddwr Cyffredinol, Newid Hinsawdd a Materion Gwledig
• Sioned Evans, Cyfarwyddwr Cyffredinol, y Grŵp Gwasanaethau Cyhoeddus a'r Gymraeg
• Tim Moss, Prif Swyddog Gweithredu
• Judith Paget, Cyfarwyddwr Cyffredinol, Iechyd a Gwasanaethau Cymdeithasol   
• Andrew Slade, Cyfarwyddwr Cyffredinol, yr Economi, y Trysorlys a’r Cyfansoddiad 
• Gawain Evans, Cyfarwyddwr Cyllid (eitemau 4 a 5)
• Sharon Bounds, Dirprwy Gyfarwyddwr, Rheolaeth Ariannol (eitemau 4 a 5)
• Andrew Jeffreys, Cyfarwyddwr y Trysorlys (eitemau 4 a 5)
• Emma Watkins, Dirprwy Gyfarwyddwr, y Gyllideb a Busnes y Llywodraeth (eitemau 4 a 5) 

1.1 Cymeradwyodd y Cabinet gofnodion y 5 Chwefror.  

Gwasanaeth Tân ac Achub De Cymru

2.1 Rhoddodd y Dirprwy Weinidog Partneriaethau Cymdeithasol ddiweddariad i'r Cabinet ar y sefyllfa ddiweddaraf ynghylch Gwasanaeth Tân ac Achub De Cymru, yn sgil sylw yn y cyfryngau a roddwyd i benodiad Prif Swyddog Tân dros dro. 

2.2 Yn dilyn ymyrraeth gan y Llywodraeth, a'r cyn Brif Swyddog Tân yn rhoi'r gorau i'r swydd, roedd angen i'r Comisiynwyr weithredu'n gyflym a phenodi swyddog dros dro i gyflawni'r dyletswyddau gweithredol angenrheidiol. Roedd y Comisiynwyr wedi cyfarfod ag Undeb y Brigadau Tân, a bydd ymgynghori ac ymgysylltu parhaus yn digwydd wrth iddynt symud ymlaen i recriwtio ar gyfer y swydd barhaol. Hefyd, codwyd materion yn ymwneud â phwysigrwydd cael cyngor annibynnol ar benodiadau, gan gynnwys a oedd profiad gweithredol yn ofyniad ai peidio.

Protestiadau gan Ffermwyr

2.3 Rhoddodd y Gweinidog Materion Gwledig a Gogledd Cymru a'r Trefnydd ddiweddariad i'r Cabinet ar y protestiadau diweddar gan ffermwyr. 

2.4 Ar hyn o bryd roedd y Llywodraeth yn cynnal ymgynghoriad ar Gynllun Ffermio Cynaliadwy, rhaglen hirdymor i gefnogi'r diwydiant amaethyddol, oedd i fod i gau ym mis Mawrth. Cynhaliwyd cyfres o ddigwyddiadau ymgysylltu gan y Llywodraeth, ac roedd yr Undebau Ffermio hefyd wedi cynnal eu sioeau teithiol eu hunain.

Gweithredu Diwydiannol gan Feddygon Iau

2.5 Nodwyd y byddai rhagor o weithredu diwydiannol gan feddygon iau yn digwydd yn nes ymlaen yr wythnos honno.

3.1 Ystyriodd y Cabinet Grid y Cyfarfodydd Llawn gan nodi bod amser pleidleisio wedi’i drefnu ar gyfer 6.50pm ddydd Mawrth a thua 6.10pm ddydd Mercher.  

4.1 Cyflwynodd y Gweinidog Cyllid a Busnes y Llywodraeth y papur, a oedd yn gofyn i'r Cabinet gytuno ar y cynnwys, a nodi'r trefniadau ar gyfer yr Ail Gyllideb Atodol 2023-24. 

4.2 Roedd yr Ail Gyllideb Atodol yn caniatáu i'r Llywodraeth gysoni'r addasiadau terfynol i ddyraniadau'r gyllideb cyn diwedd y flwyddyn ariannol. Mae'n gosod y terfynau y byddai'r alldro terfynol yn cael ei fesur yn eu herbyn.

5.1 Cyflwynodd y Gweinidog Cyllid a Llywodraeth Leol y papur, a oedd yn gofyn i'r Cabinet gytuno ar y dyraniadau yn y papur i'w hadlewyrchu ar lefel Prif Grwpiau Gwariant yng Nghyllideb Derfynol 2024-25. Gofynnwyd i'r Gweinidogion hefyd gytuno ar opsiwn ar gyfer y cyllid refeniw ychwanegol o £43.9m, sy'n dod i'r amlwg o ganlyniad i ganlyniadau canlyniadol diweddar gan Lywodraeth y DU ar gyfer 2023-24, a nodi y byddai dogfennau'r Gyllideb Derfynol yn cael eu dosbarthu mewn gohebiaeth a'u cyhoeddi ar 27 Chwefror. 

5.2 Cymeradwyodd y Cabinet y papur.

Ysgrifenyddiaeth y Cabinet
Chwefror 2024