Cyfarfod y Cabinet: 2 Mawrth 2026

• Y Gwir Anrhydeddus Eluned Morgan AS (Cadeirydd)
• Huw Irranca-Davies AS (eitema 1-3)
• Jayne Bryant AS
• Mark Drakeford AS
• Rebecca Evans AS
• Jane Hutt AS
• Julie James AS (eitemau 1-3)
• Jeremy Miles AS
• Lynne Neagle AS
• Ken Skates AS
   
• Dawn Bowden AS
• Vikki Howells AS
• Sarah Murphy AS
• Jack Sargeant AS

Swyddogion

• Andrew Goodall, yr Ysgrifennydd Parhaol
• Rachel Garside-Jones, Cyfarwyddwr, Swyddfa’r Prif Weinidog a Chyflawni
• Rebecca Dunn, Pennaeth Is-adran y Cabinet
• Victoria Jones, Prif Ysgrifennydd Preifat y Prif Weinidog
• Toby Mason, Pennaeth Cyfathrebu Strategol
• Sinead Gallagher, Dirprwy Gyfarwyddwr Swyddfa’r Cabinet
• Luke Young, Cynghorydd Arbennig
• Madeleine Brindley, Cynghorydd Arbennig
• Sarah Dickins, Cynghorydd Arbennig
• Haf Davies, Cynghorydd Arbennig
• Victoria Evans, Cynghorydd Arbennig
• David Hooson, Cynghorydd Arbennig
• Nadila Hussein, Cynghorydd Arbennig
• Kirsty Keenan, Cynghorydd Arbennig
• Jackie Jones, Cynghorydd Arbennig
• Stephen Jones, Cynghorydd Arbennig
• Philippa Marsden, Cynghorydd Arbennig
• Tal Michael, Cynghorydd Arbennig
• Mary Wimbury, Cynghorydd Arbennig
• Christopher W Morgan, Pennaeth Ysgrifenyddiaeth y Cabinet (cofnodion)
• Damian Roche, Ysgrifenyddiaeth y Cabinet
• Katie Mason, Ysgrifenyddiaeth y Cabinet
• James Oxenham, Ysgrifenyddiaeth y Cabinet
• Helena Bird, Swyddfa’r Ysgrifennydd Parhaol
• Kath Hallett, Swyddfa’r Prif Weinidog
• Tracey Burke, Cyfarwyddwr Cyffredinol, Newid Hinsawdd a Materion Gwledig
• Sioned Evans, Prif Swyddog Gweithredu
• Judith Paget, Cyfarwyddwr Cyffredinol, Strategaeth
• Andrew Slade, Cyfarwyddwr Cyffredinol, yr Economi, Ynni a Thrafnidiaeth
• Emma Williams, Cyfarwyddwr Cyffredinol, Addysg, Diwylliant a'r Gymraeg
• Nicola Williams, Cyfarwyddwr Gwasanaethau Cyfreithiol
• Alex Slade, Cyfarwyddwr, Iechyd Meddwl, Gofal Sylfaenol a'r Blynyddoedd Cynnar
• Emily Hole, Pennaeth Polisi Masnach – Ailosod a Gweithredu'r UE
• Huw Williams, Pennaeth Masnach a Chydweithrediad yr UE
• Kelly Morgan, Pennaeth Cyflawni Rhaglenni – Uwchgynhadledd Buddsoddi Cymru
• Darryn Lewis, Pennaeth Mewnfuddsoddi
• Dean Medcraft, Cyfarwyddwr Cyllid
• Sharon Bounds, Dirprwy Gyfarwyddwr, Rheolaeth Ariannol
• Sian Gill, Pennaeth Rheolaeth Gyllidebol a Pholisi Ariannol

Cymeradwyodd y Cabinet gofnodion 23 Chwefror 2026 / Cabinet approved the minutes of 23 February 2026.

Y Gweinidog Iechyd Meddwl a Llesiant

2.1 Mynegodd y Prif Weinidog, ar ran y Cabinet, ei diolch a'i dymuniadau gorau i'r Gweinidog Iechyd Meddwl a Llesiant, a oedd i fod i ddechrau ei habsenoldeb mamolaeth yn ddiweddarach yr wythnos honno.

Gwrthdaro yn y Dwyrain Canol

2.2 Dywedodd y Prif Weinidog wrth y Cabinet ei bod hi, ynghyd â Phrif Weinidog yr Alban a Dirprwy Brif Weinidog Gogledd Iwerddon, wedi cael eu briffio yn ddiweddar am y gwrthdaro parhaus yn y Dwyrain Canol.

2.3 Roedd y Llywodraeth yn ymgysylltu'n llawn â phartneriaid i sicrhau cydlyniant cymunedol ac roedd monitro rheolaidd o unrhyw densiynau posibl o fewn cymunedau yng Nghymru.

2.4 Roedd dinasyddion Cymru yn y Dwyrain Canol yn cael eu hannog i gofrestru gyda'r Swyddfa Dramor a Chymanwlad. Roedd swyddfa'r Prif Weinidog yn cael ei hysbysu am ddatblygiadau parhaus.

3.1 Ystyriodd y Cabinet Grid y Cyfarfodydd Llawn gan nodi bod disgwyl i'r amser pleidleisio ddydd Mawrth ddigwydd tua 4:40pm. Byddai Cyfnod 3 Bil Diogelwch Adeiladau (Cymru) yn dilyn hyn, gyda phleidleisio'n digwydd drwy gydol y sesiwn. Roedd amser pleidleisio wedi'i drefnu ar gyfer 4:30pm ddydd Mercher a byddai hyn yn cael ei ddilyn gan Gam 3 Bil Iaith Arwyddion Prydain (Cymru) dan arweiniad yr Aelod, ac eto bydd pleidleisio'n digwydd drwy gydol y sesiwn.

4.1 Cyflwynodd Ysgrifennydd y Cabinet dros yr Economi, Ynni a Chynllunio y papur, a oedd yn gofyn i'r Cabinet nodi'r gweithgarwch dilynol i wneud y mwyaf o effaith Uwchgynhadledd Fuddsoddi Cymru.

4.2 Roedd hwn wedi bod yn gyfle i ddod â channoedd o uwch fuddsoddwyr i Gymru mewn un lle, ar un diwrnod, yn hytrach na dibynnu ar sgyrsiau unigol dros fisoedd neu flynyddoedd. Nid oedd gan dros hanner y cwmnïau a oedd yno bresenoldeb yng Nghymru ar hyn o bryd, a oedd yn dangos pa mor llwyddiannus y bu'r Llywodraeth wrth ddenu marchnadoedd a phenderfynwyr newydd i Gymru.

4.3 Cynhaliodd y Gweinidogion bron i 50 o gyfarfodydd dwyochrog gyda chwmnïau sydd naill ai eisoes yn buddsoddi neu'n archwilio cyfleoedd i fuddsoddi. Byddai'r lefel honno o fynediad mewn un diwrnod wedi bod yn anodd iawn i'w gyflawni trwy weithgareddau busnes arferol.

4.4 Roedd yr Uwchgynhadledd hefyd wedi rhoi arwydd cryf o hyder a phartneriaeth. Roedd arweinyddiaeth glir, ochr yn ochr â Gweinidogion Llywodraeth y DU, a oedd yn dangos bod y Llywodraeth yn gyson o ran ei dull o gefnogi buddsoddiad yng Nghymru. Fe wnaeth cyfranogiad Tywysog Cymru godi proffil rhyngwladol y digwyddiad a phroffil Cymru ymhellach.

4.5 Canolbwyntiodd yr Uwchgynhadledd ar sectorau twf â blaenoriaeth y Llywodraeth, megis ynni glân, gwyddorau bywyd, digidol a thechnoleg, gweithgynhyrchu uwch, lled-ddargludyddion cyfansawdd a'r diwydiannau creadigol. Roedd cynrychiolaeth gref o'r sector ynni glân, gan adlewyrchu enw da cynyddol Cymru.

4.6 Cyhoeddwyd gwerth £16 biliwn o fuddsoddiau newydd. Roedd y rhain yn cynnwys ymrwymiadau mawr ar draws y sectorau ynni, gweithgynhyrchu uwch, seilwaith digidol a'r diwydiannau creadigol. Un enghraifft amlwg oedd cynllun Vantage Data Centers i fuddsoddi £10 biliwn ar draws De Cymru, gan greu dros 5,000 o swyddi a thrawsnewid hen safleoedd diwydiannol ar gyfer y cyfnod deallusrwydd artiffisial.

4.7 Roedd yr Uwchgynhadledd wedi rhoi pwyslais ar berthnasoedd hefyd. Roedd y rhaglen yn gyfuniad o sesiynau ar y prif lwyfan, trafodaethau sector ac Arddangosfa ar Gymru, i gyd gyda'r nod o ateb cwestiwn syml i fuddsoddwyr: 'pam Cymru'. Erbyn diwedd yr Uwchgynhadledd roedd y cwestiwn wedi newid i 'Cymru: pam ddim?', a oedd yn arwydd cadarnhaol bod Cymru'n agored i fusnes.

4.8 Roedd swyddogion bellach yn cyflwyno rhaglen ymgysylltu strwythuredig traws-Lywodraethol, gan flaenoriaethu cwmnïau sy'n newydd i Gymru a'r rhai sydd â photensial, gydag ymgysylltiad ansoddol manylach i ddeall sut roedd y cynnig yn cael ei dderbyn.

4.9 Byddai'r effaith economaidd lawn yn cymryd amser i ddod i'r amlwg, o ystyried bod penderfyniadau buddsoddi yn rhai hirdymor. Ond hyd yn oed yn y cam cynnar hwn, roedd yr Uwchgynhadledd wedi cyflawni newid sylweddol yng ngwelededd rhyngwladol Cymru ac wedi ehangu'r llif  o berthnasoedd â buddsoddwyr yn sylweddol.

4.10 Roedd yr Uwchgynhadledd wedi galluogi'r Llywodraeth i gyflwyno stori hyderus, gredadwy am Gymru, ar raddfa fawr, i'r gynulleidfa gywir.

4.11 Croesawyd y papur gan y Cabinet a chofnodwyd y diolchiadau i bawb a fu’n rhan o’r gwaith o baratoi a chyflwyno'r Uwchgynhadledd.

Ysgrifenyddiaeth y Cabinet
Mawrth 2026