Cyfarfod y Cabinet: 24 Mai 2021

• Y Gwir Anrh. Mark Drakeford AS
• Rebecca Evans AS
• Vaughan Gething AS
• Lesley Griffiths AS
• Jane Hutt AS
• Julie James AS
• Eluned Morgan AS
• Jeremy Miles AS
• Mick Antoniw AS

• Dawn Bowden AS
• Hannah Blythyn AS
• Julie Morgan AS
• Lynne Neagle AS
• Lee Waters AS

Swyddogion

• Shan Morgan, Yr Ysgrifennydd Parhaol
• Will Whiteley, Dirprwy Gyfarwyddwr Is-adran y Cabinet
• Toby Mason, Pennaeth Cyfathrebu Strategol
• Jane Runeckles, Cynghorydd Arbennig
• Alex Bevan, Cynghorydd Arbennig
• Daniel Butler, Cynghorydd Arbennig
• Ian Butler, Cynghorydd Arbennig
• Kate Edmunds, Cynghorydd Arbennig
• Sara Faye, Cynghorydd Arbennig
• Clare Jenkins, Cynghorydd Arbennig
• Andrew Johnson, Cynghorydd Arbennig
• Mitch Theaker, Cynghorydd Arbennig
• Tom Woodward, Cynghorydd Arbennig
• Christopher W Morgan, Ysgrifenyddiaeth y Cabinet (cofnodion)
• Damian Roche, Ysgrifenyddiaeth y Cabinet
• Tracey Burke, Cyfarwyddwr Cyffredinol, Addysg a Gwasanaethau Cyhoeddus
• Andrew Goodall, Cyfarwyddwr Cyffredinol, Iechyd
• Reg Kilpatrick, Cyfarwyddwr Cyffredinol, Cydgysylltu’r Argyfwng COVID-19
• Charlie Thomas, Pennaeth Uned y Rhaglen Ddeddfwriaethol a Llywodraethiant
• Piers Bisson, Cyfarwyddwr Trefniadau Pontio’r UE, Cyfansoddiad a Chyfiawnder
• Dylan Hughes, Prif Gwnsler Deddfwriaethol
• Nia James, Dirprwy Gyfarwyddwr Gwasanaethau Cyfreithiol
• James Gerard, Dirprwy Gyfarwyddwr Polisi Cyfiawnder
• Frank Atherton, Prif Swyddog Meddygol
• Fliss Bennee, Cyd-gadeirydd y Gell Cyngor Technegol

1.1 Cymeradwyodd y Cabinet gofnodion 17 Mai.

Cod y Gweinidogion 

2.1 Dywedodd y Prif Weinidog wrth y Cabinet i fersiwn ddrafft o God y Gweinidogion gael ei rhannu â Gweinidogion er mwyn iddynt allu codi unrhyw gwestiynau cyn i’r fersiwn derfynol gael ei chylchredeg yn nes ymlaen yr wythnos honno.

2.2 Byddai’n bwysig i bob Gweinidog edrych yn fanwl ar gynnwys y Cod terfynol, hyd yn oed os oeddent yn gyfarwydd â’r fersiynau blaenorol, gan y byddai gofyn iddynt gadarnhau’n ysgrifenedig eu bod wedi gwneud hynny.

3.1 Dywedodd y Gweinidog Materion Gwledig a Gogledd Cymru, a’r Trefnydd wrth y Cabinet fod cynnig i benodi’r Cwnsler Cyffredinol a nifer o setiau o Offerynnau Statudol wedi cael eu cyflwyno ar gyfer dadl ddydd Mercher, yn ogystal â sesiwn gyntaf Cwestiynau a Datganiad Busnes y Prif Weinidog. Hefyd byddai datganiad llafar ar Adnewyddu a Diwygio: Cefnogi Lles a Chynnydd Dysgwyr. Roedd disgwyl y byddai’r pleidleisio’n digwydd tua 3.55pm ddydd Mercher, pe bai angen hynny.

3.2 Cafwyd dau gais am Gwestiynau Brys, un mewn perthynas â’r digwyddiadau nos Iau yn Mayhill, Abertawe, a’r llall yn ymwneud â chynlluniau’r DU ar gyfer cytundeb masnach dim cwotâu ag Awstralia.

3.3 Dywedwyd y byddai’r Gweinidog Cyfiawnder Cymdeithasol yn cyhoeddi Datganiad Ysgrifenedig y diwrnod canlynol ynghylch yr ymateb i’r digwyddiad yn Mayhill.

4.1 Cyflwynodd y Prif Weinidog y papur, a oedd yn gwahodd Gweinidogion i gytuno ar y Biliau i gael eu cynnwys ym mlwyddyn gyntaf Rhaglen Ddeddfwriaethol Llywodraeth Cymru, ac i gymeradwyo cylch gwaith Pwyllgor Sefydlog y Cabinet ar gyfer y Rhaglen.

4.2 Roedd yr argyfwng iechyd cyhoeddus, o ganlyniad i’r pandemig, yn ogystal â’r galwadau deddfwriaethol i hwyluso ymadawiad y DU â’r Undeb Ewropeaidd, wedi cael effaith sylweddol yn ystod diwedd y Senedd ddiwethaf ar allu’r Llywodraeth flaenorol i ddeddfu, ac roedd wedi arwain at ohirio nifer o Filiau pwysig ac uchel eu proffil yn ogystal â nifer o eitemau o is-ddeddfwriaeth.

4.3 Gan fod llawer o’r pwysau sy’n gysylltiedig â’r pandemig ac ymadael â’r UE yn parhau, ochr yn ochr â’r angen i gyflawni blaenoriaethau deddfwriaethol y Llywodraeth newydd a chyflwyno is-ddeddfwriaeth i weithredu deddfau’r Senedd, byddai Pwyllgor Sefydlog y Cabinet ar gyfer y Rhaglen Ddeddfwriaethol yn cael ei sefydlu. Roedd y cylch gwaith a’r aelodaeth wedi eu nodi yn y papur.

4.4 Croesawodd y Cabinet y papur, gan gydnabod yr effaith ar adnoddau pan fo angen ymateb i ddeddfwriaeth Llywodraeth y DU.

4.5 Cymeradwyodd y Cabinet yr argymhellion yn y papur.