Cyfarfod y Cabinet: 9 Mai 2022

• Y Gwir Anrh. Mark Drakeford AS
• Rebecca Evans AS
• Lesley Griffiths AS
• Jane Hutt AS
• Julie James AS
• Jeremy Miles AS
• Eluned Morgan AS
• Mick Antoniw AS

• Dawn Bowden AS
• Hannah Blythyn AS
• Julie Morgan AS
• Lynne Neagle AS
• Lee Waters AS

Ymddiheuriadau

• Vaughan Gething AS

Swyddogion

• Andrew Goodall, yr Ysgrifennydd Parhaol
• Des Clifford, Cyfarwyddwr Swyddfa’r Prif Weinidog
• Will Whiteley, Dirprwy Gyfarwyddwr, Is-adran y Cabinet
• Toby Mason, Cyfathrebu Strategol
• Jane Runeckles, Cynghorydd Arbennig
• Madeleine Brindley, Cynghorydd Arbennig
• Alex Bevan, Cynghorydd Arbennig
• Daniel Butler, Cynghorydd Arbennig
• Ian Butler, Cynghorydd Arbennig
• Kate Edmunds, Cynghorydd Arbennig
• Sara Faye, Cynghorydd Arbennig
• Clare Jenkins, Cynghorydd Arbennig
• Owen John, Cynghorydd Arbennig
• Andrew Johnson, Cynghorydd Arbennig
• Mitch Theaker, Cynghorydd Arbennig
• Tom Woodward, Cynghorydd Arbennig
• Christopher W Morgan, Pennaeth Ysgrifenyddiaeth y Cabinet (cofnodion)
• Damian Roche, Ysgrifenyddiaeth y Cabinet
• Helen Lentle, Cyfarwyddwr Gwasanaethau Cyfreithiol
• Catrin Sully, Swyddfa’r Cabinet
• Tracey Burke, Cyfarwyddwr Cyffredinol, Newid Hinsawdd a Materion Gwledig
• Jo-Anne Daniels, Cyfarwyddwr Cyffredinol Addysg, Cyfiawnder Cymdeithasol a’r Gymraeg
• Reg Kilpatrick, Cyfarwyddwr Cyffredinol, Adfer wedi COVID-19 a Llywodraeth Leol
• Judith Paget, Cyfarwyddwr Cyffredinol, Iechyd
• Andrew Slade, Cyfarwyddwr Cyffredinol, y Trysorlys a’r Cyfansoddiad
• Piers Bisson, Cyfarwyddwr Trefniadau Pontio, y Cyfansoddiad a Chyfiawnder
• James Gerard, Dirprwy Gyfarwyddwr, Polisi Cyfiawnder
• Emma Williams, Cyfarwyddwr Tai ac Adfywio
• Stuart Fitzgerald, Dirprwy Gyfarwyddwr, Cartrefi a Lleoedd
• Andy Fraser, Dirprwy Gyfarwyddwr Dŵr a Llifogydd
• Neil Hemington, Pennaeth Cynllunio

1.1 Cymeradwyodd y Cabinet gofnodion 25 Ebrill / Cabinet approved the minutes of 25 April.

2.1 Ystyriodd y Cabinet gynnwys grid y Cyfarfod Llawn a nododd fod yr amser pleidleisio wedi’i amserlennu ar gyfer 5pm dydd Mawrth a thua 6:25pm ddydd Mercher.

3.1 Cyflwynodd y Cwnsler Cyffredinol a Gweinidog y Cyfansoddiad y papur, a oedd yn cyflwyno’r fersiwn derfynol agos o’r dogfen cyfiawnder i’w hystyried gan y Cabinet, gyda’r nod o ddangos pam fod Llywodraeth Cymru yn cefnogi cymryd mwy o reolaeth dros y system gyfiawnder yng Nghymru.

3.2 Pwysleisiodd y berthynas gydgysylltiedig rhwng dulliau ataliol, adsefydlu, iechyd y cyhoedd ac addysgiadol y Llywodraeth o ran cyflawni canlyniadau cyfiawnder mwy ffafriol yn effeithiol yng Nghymru. Ei nod oedd dangos y gwahaniaeth rhwng dull mwy cosbol Llywodraeth y DU â’r hyn yr oedd Gweinidogion Cymru yn credu oedd yn gonsensws clir ynghylch canolbwyntio ar gyfiawnder cymdeithasol er mwyn sicrhau Cymru fwy diogel.

3.3 Roedd y cyhoeddiad hefyd yn nodi rhaglen waith helaeth o wasanaethau datganoledig, a oedd yn cefnogi’r gwaith o gyflawni cyfiawnder, y cafodd llawer ohonynt eu hariannu gan Lywodraeth Cymru ac a oedd wedi’u datblygu a’u teilwra i anghenion pobl Cymru. Roedd nod i ddangos, drwy amlygu enghreifftiau o fentrau a arweinir gan Lywodraeth Cymru yn awr ac yn y dyfodol, er bod cyfiawnder wedi’i gadw yn ôl ar hyn o bryd, mai dim ond yng Nghymru y gellir ac y dylid datblygu a chyflawni’r rhagolygon hirdymor ar gyfer ei wella yng Nghymru.

3.4 Roedd y gwaith gyda’r Weinyddiaeth Gyfiawnder i sefydlu’r Peilot Llysoedd Teulu Cyffuriau ac Alcohol a’r camau i ddiwygio tribiwnlysoedd datganoledig yn arbennig o bwysig. Byddai angen i waith barhau gyda Chomisiynwyr yr Heddlu a Throseddu i adeiladu cymunedau mwy diogel yng Nghymru.

3.5 Pwysleisiodd y Gweinidog Cyfiawnder Cymdeithasol natur drawslywodraethol y ddogfen, yn enwedig i faterion Cyfiawnder Ieuenctid a phwysigrwydd gweithio mewn partneriaeth i gyflawni glasbrintiau Trais yn Erbyn Menywod, Cam-drin Domestig a Thrais Rhywiol a Chyfiawnder Ieuenctid a’r Cynllun Gweithredu Cydraddoldeb Hiliol. Roedd y cyhoeddiad yn adlewyrchu dull blaengar o ymdrin â materion cyfiawnder, gyda’r nod o rymuso a chefnogi pobl i gael gwell canlyniadau.

3.6 Croesawodd y Cabinet y cyhoeddiad a chefnogodd y Gweinidogion yn benodol y dull graddol o geisio datganoli cyfiawnder i Gymru ynghyd â’r gwaith ar wella materion cyfiawnder teuluol. Yr oedd yn bwysig peidio â cholli golwg ar ddatganoli’r system garchardai.

3.7 Nodwyd bod y Prif Weinidog wedi cynnal cyfarfod gyda Llywydd yr Is-adran Teuluoedd a Mr Ustus Francis, Barnwr Cyswllt Is-adran Teuluoedd Cymru, a'i fod wedi cytuno i gyfarfod pellach maes o law.

3.8 Cymeradwyodd y Cabinet yr argymhellion yn y papur.