Cyfarfod y Cabinet: 9 Mehefin 2025
Cofnodion cyfarfod o'r Cabinet ar 9 Mehefin 2025.
Efallai na fydd y ffeil hon yn gyfan gwbl hygyrch.
Ar y dudalen hon
Yn bresennol
- Y Gwir Anrhydeddus Eluned Morgan AS (Cadeirydd)
- Huw Irranca-Davies AS
- Jayne Bryant AS
- Mark Drakeford AS
- Rebecca Evans AS
- Jane Hutt AS
- Julie James AS
- Lynne Neagle AS
- Ken Skates AS
- Dawn Bowden AS
- Sarah Murphy AS
- Vikki Howells AS
- Jack Sargeant AS
Ymddiheuriadau
- Jeremy Miles AS
Swyddogion
- Andrew Goodall, yr Ysgrifennydd Parhaol
- Rachel Garside-Jones, Cyfarwyddwr Swyddfa'r Prif Weinidog a Chyflawni
- Sinead Gallagher, Dirprwy Gyfarwyddwr Swyddfa'r Cabinet
- Wayne David, Cynghorydd Arbennig
- Sarah Dickins, Cynghorydd Arbennig
- Madeleine Brindley, Cynghorydd Arbennig
- Julia David, Cynghorydd Arbennig
- Haf Davies, Cynghorydd Arbennig
- Victoria Evans, Cynghorydd Arbennig
- David Hooson, Cynghorydd Arbennig
- Nadila Hussein, Cynghorydd Arbennig
- Kirsty Keenan, Cynghorydd Arbennig
- Jackie Jones, Cynghorydd Arbennig
- Stephen Jones, Cynghorydd Arbennig
- Philippa Marsden, Cynghorydd Arbennig
- Martha O'Neil, Cynghorydd Arbennig
- Mary Wimbury, Cynghorydd Arbennig
- Damian Roche, Ysgrifenyddiaeth y Cabinet (cofnodion)
Eitem 1: Cofnodion y Cyfarfod blaenorol
1.1 Cymeradwyodd y Cabinet gofnodion 2 Mehefin 2025.
Eitem 2: Eitemau’r Prif Weinidog
Cyflogau Athrawon
2.1 Gwahoddodd y Prif Weinidog Ysgrifennydd y Cabinet dros Addysg i roi diweddariad ar gyflogau athrawon. Byddai adroddiad Corff Adolygu Cyflogau Annibynnol Cymru (IWPRB) yn cael ei gyhoeddi'r diwrnod canlynol, a byddai'n argymell y dylid cynyddu holl gyflogau a lwfansau athrawon 4.8% o fis Medi 2025 ymlaen.
2.2 Fodd bynnag, oherwydd y sefyllfa ariannol, byddai'r Llywodraeth yn ymgynghori ar godiad cyflog a ariennir o 4%. Roedd hyn yn adlewyrchu'r ffaith bod y Llywodraeth wedi gallu gweithredu dyfarniad cyflog o 5.5% y flwyddyn flaenorol, yn sylweddol uwch nag argymhelliad yr IWPRB o 4.3%.
2.3 Nododd y Cabinet fod nyrsys y GIG wedi dechrau cynnal pleidlais ar gyflogau yn gynharach y diwrnod hwnnw.
Eitem 3: Busnes y Senedd
3.1 Ystyriodd y Cabinet Grid y Cyfarfodydd Llawn, gan nodi bod y datganiad llafar ar atal salwch wedi'i dynnu'n ôl oherwydd bod Ysgrifennydd y Cabinet dros Iechyd a Gofal Cymdeithasol wedi dioddef profedigaeth deuluol. Diolchodd y Prif Weinidog i'r Cabinet am gynorthwyo yn ystod ei absenoldeb. Roedd amser pleidleisio wedi ei drefnu ar gyfer 6pm ddydd Mawrth a thua 7:25pm ddydd Mercher.
Ysgrifenyddiaeth y Cabinet
Mehefin 2025