Daeth yr ymgynghoriad i ben 31 Mawrth 2026.
Adolygu ymatebion
Mae'r ymatebion i'r ymgynghoriad hwn wrthi’n cael eu hadolygu. Pan fydd hyn wedi’i gwblhau, byddwn yn cyhoeddi'r canlyniad.
Ymgynghoriad gwreiddiol
Yn gofyn am adborth ar gynigion i gyflwyno cyfnod gofynnol rhwng pasio prawf theori gyrru a chymryd prawf gyrru ymarferol.
Disgrifiad o'r ymgynghoriad
Mae'r Adran Drafnidiaeth (DfT) yn ceisio barn ar gyflwyno cyfnod amser gofynnol rhwng pasio prawf theori a chymryd prawf gyrru ymarferol.
Mae'r ymgynghoriad yn ymdrin â phrofion gyrru a gymerir ar gyfer trwydded categori B, y drwydded safonol a ddefnyddir i yrru car.
Ar hyn o bryd, gall dysgwr wneud cais am brawf gyrru ymarferol cyn gynted ag y byddant yn cael trwydded dros dro ac yn pasio'r prawf theori.
Heb ddigon o amser yn gyrru, mae llawer o ddysgwyr yn wynebu sefyllfaoedd ac amodau ar y ffordd nad oes ganddynt unrhyw brofiad â hwy, oherwydd diffyg ymarfer.
Y nod yw cyflwyno dull strwythuredig sy'n rhoi mwy o amser i ddysgwyr gynyddu eu cymhwysedd a'u profiad cyn cymryd prawf.
Mae'r ymgynghoriad hefyd yn holi barn am:
- cyflwyno nifer o oriau gofynnol o yrru ymarferol dan oruchwyliaeth
- creu maes llafur dysgu gorfodol
- y ffyrdd y gellid cynnal unrhyw ddysgu angenrheidiol
Mae'r ymgynghoriad hwn yn cael ei gynnal ar gov.uk