Cymorth gyda’ch llesiant a llesiant pobl eraill

Llinell Gymorth C.A.L.L.

Mae Llinell Gymorth C.A.L.L. yn linell gymorth iechyd meddwl benodol. Mae'n darparu cymorth cyfrinachol i'ch helpu i ddod o hyd i gymorth sydd ar gael yn eich ardal leol. Mae hyn yn cynnwys sefydliadau gwirfoddol ac elusennol.

Byw heb Ofn

Mae Byw heb Ofn yn rhoi cyngor defnyddiol, cyfrinachol sy’n hawdd cael gafael arno i unrhyw un sy’n dioddef neu wedi goroesi trais yn erbyn menywod, cam-drin domestig a thrais rhywiol – ac i’r rheini sy’n agos atynt, gan gynnwys aelodau o’r teulu, ffrindiau a chydweithwyr – ar amrywiaeth o faterion a all fod yn berthnasol i’w sefyllfa. Mae ar agor 24/7, yn rhad ac am ddim ac ni fydd yn ymddangos ar filiau ffôn.

Cyngor Age Cymru

Mae Cyngor Age Cymru yn cynnig gwasanaeth cymorth cyfrinachol a diduedd am ddim. Gall helpu pobl hŷn, eu teuluoedd, eu ffrindiau, eu gofalwyr a gweithwyr proffesiynol i gael gwybodaeth a chyngor ar faterion sy’n effeithio ar bobl hŷn.

Care and Repair

Mae Care and Repair yn darparu gwybodaeth, cyngor a gwasanaethau ymarferol sy’n helpu pobl hŷn yng Nghymru i aros yn ddiogel, yn gynnes ac yn iach gartref. Maent yn gosod cymhorthion ac addasiadau anabledd, yn darparu gwasanaethau cynnal a chadw cartrefi, yn helpu i sicrhau’r incwm mwyaf a grantiau mynediad, ac yn gwneud cartrefi’n ddiogel i ddychwelyd o’r ysbyty.

Hyd yn oed os credwch nad ydych fel arfer yn gymwys i gael cymorth ariannol, gallech fod yn gymwys i gael rhywfaint o help gyda chostau byw o ddydd i ddydd.