Cymru wledig: diffiniadau a sut i ddewis rhwyg hwy

Adroddiad sy'n cynnwys gwybodaeth am amrywiaeth o ddewisiadau o ran diffiniad gan nad oes un diffiniad o 'Gymru Wledig' sy'n berthnasol i bob diben.

Un o'r cwestiynau cyffredin a ofynnir i'r Gwasanaethau Ystadegol yw "Beth yw Cymru wledig?" Er bod y cwestiwn yn un syml, nid felly'r ateb. Mae iddo sawl agwedd. Mae sawl ffordd synhwyrol o ystyried yr hyn a olygir wrth 'wledig'. Nod y bwletin yw rhoi cyflwyniad i'r amryfal opsiynau sydd ar gael a'ch helpu i wneud penderfyniadau cytbwys am y math o ddiffiniad sy'n briodol ar gyfer gorchwyl penodol.

Fel man cychwyn ar gyfer ystadegau cyffredinol am bobl yn y 'Gymru wledig', mae'r bwletin yn cynnwys cyflwyniad i ddiffiniad Ystadegau Gwladol o fath o anheddiad ac o gyd-destun yr anheddiad hwnnw.

Prif bwyntiau

Nid oes un diffiniad ar gael sy'n gymwys at bob diben. Mae llawer o opsiynau, a all fod yn fwy neu'n llai priodol o dan amgylchiadau gwahanol.
Yn benodol, bydd angen diffiniadau gwahanol o 'wledig' wrth ystyried 'pobl wledig', 'tir gwledig', a 'gweithgareddau gwledig'.
Mae'n bosibl hefyd y bydd angen diffiniadau gwahanol gan ddibynnu a ydym, er enghraifft, am ystadegau disgrifiadol lle y mae rhywfaint o niwlogrwydd yn dderbyniol neu a ydym yn sôn am fecanweithiau cyllido lle nad ydyw.

Adroddiadau