Cynllunio morol

Cyhoeddwyd y Cynllun Morol cyntaf ar 12 Tachwedd 2019. Mae'n amlinellu ein polisi ar gyfer defnyddio'n moroedd mewn ffordd gynaliadwy dros yr 20 mlynedd nesaf. Rydym wedi cyhoeddi canllaw gweithredu hefyd.  Bydd yn sicrhau bod y polisïau yn CMCC yn cael eu rhoi ar waith yn effeithlon ac mewn ffordd gyson.  Dylech ddarllen y canllaw ochr yn ochr â CMCC. 

• Cynllun Morol Cenedlaethol Cymru
• Cynllun Morol Cenedlaethol Cymru: canllawiau gweithredu

O dan Ddeddf y Môr a Mynediad i'r Arfordir, mae'n rhaid inni baratoi Cynllun Morol. Gweinidogion Cymru yw’r Awdurdod Cynllunio ar gyfer:

• dyfroedd glannau Cymru (hyd at 12 milltir forol o'r lan)
• môr mawr Cymru (rhwng 12 a 200 o filltiroedd morol o’r lan)

Mae'r Cynllun Morol yn cynnwys cynlluniau a pholisïau fydd yn:

• cefnogi'n gweledigaeth ar gyfer moroedd glân, iach, diogel ac amrywiol
• llywio datblygu cynaliadwy yn y dyfodol
• cefnogi twf gofod morol ac adnoddau naturiol ('twf glas')

Rydym wedi cyhoeddi adroddiad ar gynnydd gyda chynlluniau morol yng Nghymru 2015-2021.

Rhaid i awdurdodau cyhoeddus wneud penderfyniadau yn seiliedig ar y polisïau yng Nghynllun Morol Cenedlaethol Cymru. Mae’r Grŵp Penderfynwyr Cynllunio Morol yn helpu awdurdodau cyhoeddus i ddeall eu swyddogaeth. Rydym hefyd wedi cyhoeddi Cynllun Morol Cenedlaethol Cymru: cwestiynau cyffredin a Chynllun Morol Cenedlaethol Cymru: adroddiad mapio rhanddeiliaid.

I roi’r CMCC ar waith yn effeithlon, rydym wedi cynhyrchu nifer o ddogfennau ategol:

• Cynllun Morol Cenedlaethol Cymru: trosolwg
• Cynllun Morol Cenedlaethol Cymru: gweledigaeth, amcanion a pholisïau (cyfeiriad cyflym)
• Cynllun Morol Cenedlaethol Cymru: fframwaith monitro ac adrodd 
• Cynllun Morol Cenedlaethol Cymru: datblygu dangosyddion er mwyn monitro ac adrodd
• Monitro Cynllun Morol Cenedlaethol Cymru 2019 i 2022
• Cynllun Morol Cenedlaethol Cymru: crynodeb o newidiadau yn dilyn ymgynghori ar gynllun drafft
• Cynllun Morol Cenedlaethol Cymru: arfarniad o gynaliadwyedd
• Cynllun Morol Cenedlaethol Cymru: asesiad rheoliadau cynefinoedd  
• Datganiad Technegol Cynllunio Morol: polisi diogelu ar gyfer cychod hamdden

I ddeall mwy am y cynllun, gweler:

• yr animeiddiad yn esbonio'r broses cynllunio morol,
• ein gweminarau sy’n ymdrin ag agweddau ar y Cynllun Morol
• ein cylchlythyr am y datblygiadau diweddaraf mewn Cynllunio Morol
• ffeithlun yn ystyried y cysylltiad rhwng cynllunio morol ac ar y tir

Wrth ddatblygu'r cynllun, rydym wedi cael mewnbwn gan randdeiliaid, yn y ffyrdd canlynol:

• mae ein datganiad ynghylch ymgysylltu â'r cyhoedd yn egluro sut y byddwn yn trafod â chi
• mae ein Grŵp Cyfeirio Rhanddeiliaid Cynllunio Morol yn rhoi cyngor inni
• rydym wedi holi barn ynghylch y manteision a'r cyfleoedd sydd wedi deillio o gynllunio morol
• aethom ati ym mis Rhagfyr 2017 i ymgynghori ar fersiwn ddrafft o CMCC, a chyhoeddwyd crynodeb o'r ymatebion i'r ymgynghoriad hwnnw.

Bydd sicrhau sylfaen dystiolaeth gref:

• yn gwella ein gwybodaeth am ein moroedd
• yn llywio defnydd a dull o reoli cynaliadwy ar gyfer ein moroedd
• yn sicrhau gwaith cynllunio morol effeithiol

Mae'n sylfaen dystiolaeth yn cynnwys:

• Cyfleoedd o ran iawndal a lliniaru ym maes cydsyniad morol
• bydd CMCC yn: Cynnal ymarfer cwmpasu strategol
• yn adrodd ar dystiolaeth forol Cymru: 2015
• Diweddariad i adroddiad tystiolaeth forol Cymru: Ionawr 2020
• Rheoli adnoddau naturiol morol mewn modd cynaliadwy

Byddwn yn adolygu ac yn diweddaru'r adroddiad ar dystiolaeth forol o bryd i’w gilydd. Bydd hynny’n rhoi dealltwriaeth inni o’n moroedd.