Data agored ar wrthdrawiadau ffyrdd

Data manwl ar gyfer gwrthdrawiadau ffyrdd a'r cerbydau a'r anafiadau dan sylw o 2007 ymlaen. Mae'r ystadegau ar wrthdrawiadau anafiadau personol ar ffyrdd cyhoeddus sy'n cael eu hadrodd i'r heddlu a'u cofnodi ar y system adrodd gwrthdrawiadau STATS19 (Yr Adran Trafnidiaeth). Y data hyn yw'r ffynhonnell fwyaf manwl a dibynadwy o wybodaeth ar wrthdrawiadau ac anafusion ar y ffyrdd. Nid ydynt yn cynnwys gwrthdrawiadau ar y ffyrdd:

• na roddwyd gwybod amdanynt i’r heddlu
• a ddigwyddodd ar dir preifat er enghraifft meysydd parcio neu gaeau
• lle na chofnodwyd unrhyw anafiadau personol
• lle cadarnhawyd y gwrthdrawiad yn hwyrach gan weithiwr meddygol proffesiynol neu grwner i fod yn hunanladdiad neu episod meddygol

Mae data blynyddol terfynol yn cael eu rhyddhau yn y gwanwyn neu'r haf bob blwyddyn. Mae hyn yn dilyn cyhoeddi'r cyhoeddiad ystadegol dros dro blynyddol am wrthdrawiadau ffyrdd. 

Caiff gwybodaeth fanwl am ansawdd ei chyhoeddi yn yr adroddiad ansawdd cysylltiedig.

Newidiadau a diwygiadau

Nid yw data blynyddol yn cael eu diwygio'n rheolaidd er y gellir gwneud mân ddiwygiadau i flynyddoedd blaenorol o bryd i'w gilydd. 

Darperir y ffeiliau data mewn fformat wedi'u codio yn hytrach na chynnwys llinynnau testunol. Mae'r canllaw data isod yn caniatáu i ddefnyddwyr ddadgodio'r gwerthoedd hyn.

Data wedi'u ddilysu ar gyfer y flwyddyn lawn ddiweddaraf

Data ar gyfer y flwyddyn lawn ddiweddaraf o ddata a gyhoeddwyd (2024).

Yr holl ddata sydd ar gael ers 2007.