Y Gwir Anrh. Carwyn Jones, Prif Weinidog i Gymru a Huw Lewis, y Gweinidog Addysg a Sgiliau
Cyhoeddwyd y cynnwys hwn dan weinyddiaeth Llywodraeth Cymru 2011 i 2016
Yn dilyn dadl ar Strategaeth yr Iaith Gymraeg Iaith fyw: iaith byw yng Nghyfarfod Llawn y Cynulliad Cenedlaethol ar y 12fed o Fawrth 2012, penderfynwyd bod Cynulliad Cenedlaethol Cymru:
“Yn galw ar y Llywodraeth i sefydlu grŵp gorchwyl a gorffen i gynllunio ar gyfer cynyddu nifer y cymunedau lle mae'r Gymraeg yn brif iaith”.
O ganlyniad, sefydlwyd Grŵp Gorchwyl a Gorffen Cymunedau Cymraeg dan gadeiryddiaeth Dr Rhodri Llwyd Morgan.
Mae’r Adroddiad a’r Cynllun Gwaith arfaethedig a gyhoeddir heddiw yn adlewyrchu’r dystiolaeth eang â ystyriwyd, yn ogystal â chynnig Cynllun Gwaith yn seiliedig ar ganfyddiadau’r Grŵp. Rydym yn croesawu’r adroddiad yma, sy’n gwneud nifer o argymhellion pwysig. Byddwn nawr yn ystyried yr argymhellion gan ymateb yn llawn maes o law.
Cost y gwaith oedd £1,860.
Yn y cyfamser hoffwn fynegi ein diolch i Rhodri Llwyd Morgan ac i aelodau’r Grŵp Gorchwyl a Gorffen am eu gwaith:
- Rhodri Llwyd Morgan, Cadeirydd
- Sali Burns
- Y Cyng. Dyfed Edwards
- Owain Gruffydd
- Lynne Reynolds
- Elin Rhys
- Yr Athro Elan Closs Stephens