Neidio i'r prif gynnwys

Y Gwir Anrh Rhun ap Iorwerth AS, Prif Weinidog Cymru

Cyhoeddwyd gyntaf:
19 Tachwedd 2026
Diweddarwyd ddiwethaf:

Rwy’n croesawu cyhoeddi seithfed adroddiad Ymchwiliad Covid-19 y DU heddiw, sy’n ymchwilio i’n dull o brofi, olrhain cysylltiadau ac ynysu yn ystod y pandemig ar draws pedair gwlad y DU, gan gynnwys trefniadau’r rhaglen Profi Olrhain Diogelu yng Nghymru.

I’r rhai a gollodd rhywun yr oeddent yn ei garu, rwy’n cydnabod y gall pob adroddiad ddwyn atgofion poenus i gof. Mae’n ddrwg iawn gennyf am eich colled, ac mae fy meddyliau yn parhau i fod gyda chi a chyda pawb sy’n dal i fyw ag effeithiau’r pandemig.

Hoffwn ddiolch i’r Farwnes Hallett, Cadeirydd yr Ymchwiliad, a’i thîm am eu gwaith, ac i bawb a gyfrannodd dystiolaeth ac a rannodd eu profiadau.

Bydd Llywodraeth Cymru yn ystyried canfyddiadau ac argymhellion yr adroddiad yn ofalus. Fel yr amlygwyd gan y cyhoeddiad ynglŷn ag adolygiad Covid-19 yn gynharach y mis hwn, rydym yn parhau i fod yn ymrwymedig i ddysgu gwersi o’r pandemig ac i wella ein parodrwydd ar gyfer argyfyngau yn y dyfodol. Byddwn yn cyhoeddi ein hymateb manwl i’r adroddiad a’i argymhellion cyn pen chwe mis o’i gyhoeddi.