Rebecca Evans AS, Y Gweinidog Cyllid a’r Trefnydd
Cyhoeddwyd y cynnwys hwn dan weinyddiaeth Llywodraeth Cymru 2016 i 2021
Mae Ail Gyllideb Atodol Llywodraeth Cymru ar gyfer 2020-21 yn cael ei chyhoeddi heddiw.
Prif ddiben y Gyllideb Atodol hon yw dangos y newidiadau cyllidebol ers Cyllideb Atodol Gyntaf 2020-21 a gyhoeddwyd gan Lywodraeth Cymru fis Mai 2020.
Mae’n manylu ynghylch nifer o ddyraniadau o’n cronfeydd wrth gefn ac yn adlewyrchu’r newidiadau i’r llinellau sylfaen ers Prif Amcangyfrifon y DU 2020-21, o ganlyniad i ddyraniadau ychwanegol a gyhoeddwyd gan Lywodraeth y DU mewn ymateb i'r pandemig Covid.
Bydd y Gyllideb Atodol yn destun craffu gan y Pwyllgor Cyllid ym mis Tachwedd a bydd yn cael ei thrafod yn y Cyfarfod Llawn ddydd Mawrth 17 Tachwedd.