Datganiad Ysgrifenedig - Cyllideb Ddrafft 2019-20 – Cyllideb i greu Cymru well

Heddiw, cyhoeddais gynigion Cyllideb ddrafft amlinellol Llywodraeth Cymru ar gyfer 2019-20. Mae'r Gyllideb ddrafft yn nodi cynlluniau gwario ar gyfer 2019-20, ynghyd â chynlluniau cyfalaf dangosol hyd at 2020-21.

Yn ogystal â nodi cynigion gwario refeniw a chyfalaf y Llywodraeth, mae’r Gyllideb ddrafft yn rhoi manylion am ein cynigion trethi a benthyca wrth i ni weithredu'r cyfrifoldebau ariannol newydd sydd wedi dod i Gymru.

Bydd Cyllideb 2019-20 yn cynnwys, am y tro cyntaf, refeniw trethi o gyfraddau treth incwm Cymru, sydd i’w cyflwyno ym mis Ebrill 2019.

Yn unol â'r trefniadau newydd y cytunwyd arnynt gan Gynulliad Cenedlaethol Cymru, bydd y Gyllideb ddrafft yn cael ei chyhoeddi mewn dau gam. Y Gyllideb ddrafft amlinellol a gyhoeddir heddiw yw'r cam cyntaf, sy'n manylu ar ariannu, trethiant a dyraniadau ar lefel Prif Grŵp Gwariant (MEG).  Bydd y Gyllideb ddrafft fanwl yn cael ei chyhoeddi ar 23 Hydref a bydd yn nodi’r cynlluniau gwario manwl fesul portffolio.

Mae'r dogfennau a gyhoeddir heddiw ar gael ar wefan Llywodraeth Cymru.

• Cynigion y Gyllideb ddrafft amlinellol
• Dogfen Naratif y Gyllideb ddrafft amlinellol, gan gynnwys yr asesiad effaith integredig strategol 
• Taflen am y Gyllideb ddrafft amlinellol
• Adroddiad y Prif Economegydd 
• Adroddiad ar Bolisi Trethi Cymru 

• Prifysgol Bangor: Gwaith craffu a sicrhau annibynnol ar ragolygon trethi datganoledig i Gymru