Mark Drakeford, Ysgrifennydd y Cabinet dros Gyllid
Cyhoeddwyd y cynnwys hwn dan weinyddiaeth Llywodraeth Cymru 2016 i 2021
Rwyf heddiw wedi gosod Cyllideb Derfynol Llywodraeth Cymru ar gyfer 2018-19 – ‘Cyllideb Newydd i Gymru’ – sy’n rhoi manylion y dyraniadau y byddwn yn eu gwneud i gefnogi’r blaenoriaethau yn ein strategaeth genedlaethol, ‘Ffyniant i Bawb’.
Mae’r Gyllideb Derfynol yn cymryd i ystyriaeth y dyraniadau cyllidol ychwanegol a wnaed yn dilyn Cyllideb Hydref Llywodraeth y DU, a gyhoeddwyd ar 22 Tachwedd. Bydd dyraniadau cyfalaf ychwanegol yn cael eu cyhoeddi yn y gwanwyn.
Mae holl ddogfennau’r Gyllideb Derfynol ar gael yn Gymraeg ac yn Saesneg ar wefan Llywodraeth Cymru.
Mae’r dogfennau’n cynnwys:
Cynigion y Gyllideb Flynyddol
Nodyn Esboniadol y Gyllideb Derfynol
Prifysgol Bangor: Gwaith Craffu a Sicrhau Annibynnol ar Ragolygon Trethi Datganoledig i Gymru - Diweddariad i Adroddiad Terfynol Mis Hydref
Rwy’n cyhoeddi’r Gyllideb Derfynol yn ystod y toriad er mwyn i Aelodau’r Cynulliad a’n partneriaid cyflenwi gael amcan cyn gynted â phosibl o’r cyllidebau ar gyfer y flwyddyn ariannol nesaf. Pe bai’r Aelodau’n dymuno imi wneud datganiad pellach neu ateb cwestiynau am hyn pan fydd y Cynulliad yn ailymgynnull, byddwn i’n hapus i wneud hynny.