Carl Sargeant, Gweinidog Llywodraeth Leol a Chymunedau
Cyhoeddwyd y cynnwys hwn dan weinyddiaeth Llywodraeth Cymru 2011 i 2016
Heddiw, rwy’n cyhoeddi fy mhenderfyniad ar ddyrannu cronfeydd i gefnogi’r Consortia Trafnidiaeth Rhanbarthol yn 2012-13.
Yn dilyn cymeradwyo’r pedwar Cynllun Trafnidiaeth Rhanbarthol ym mis Rhagfyr 2009, a’r dyraniadau cyllid ym mlynyddoedd ariannol 2010-11 a 2011-12, mae’r Consortia Trafnidiaeth Rhanbarthol wedi cyflwyno cylch arall o gynigion er mwyn gwireddu’r dyheadau a nodir yn eu Cynlluniau ym mlwyddyn ariannol 2012-13, gan gynnwys cynigion i wella Diogelwch ar y Ffyrdd.
Rwy’n falch o gyhoeddi y caiff y Grant o £25 miliwn ar gyfer y Consortia Trafnidiaeth Rhanbarthol ei ddosrannu fel a ganlyn:
- Sewta £10.631 miliwn
- SWWITCH £5.657 miliwn
- Taith £5.618 miliwn
- TraCC £3.094 miliwn
Bydd yr arian yn sicrhau cynlluniau i gefnogi’r Cynlluniau Trafnidiaeth Rhanbarthol, ac i wella Diogelwch ar y Ffyrdd yng Nghymru.