Jack Sargeant, y Gweinidog Diwylliant, Sgiliau a Phartneriaeth Gymdeithasol
Mae Is-grŵp Caffael y Cyngor Partneriaeth Gymdeithasol yn cael ei sefydlu o dan Adran 8 o Ddeddf Partneriaeth Gymdeithasol a Chaffael Cyhoeddus (Cymru) 2023. Ei brif bwrpas fydd cefnogi'r Cyngor Partneriaeth Gymdeithasol i gyflawni ei ddyletswyddau statudol drwy ddarparu cyngor arbenigol i'r Cyngor a Gweinidogion Cymru ar faterion yn ymwneud â chaffael cymdeithasol gyfrifol.
Bydd yr is-grŵp yn cael ei gyd-gadeirio gan ddau o aelodau presennol y Cyngor: y Cynghorydd Anthony Hunt (cynrychiolydd cyflogwyr) a Ruth Brady (cynrychiolydd gweithwyr). Bydd y cyd-gadeiryddion hyn hefyd yn rhan o'r panel asesu sy'n gyfrifol am ddewis aelodau'r is-grŵp.
Dylai unrhyw un sydd â diddordeb mewn bod yn aelod o'r is-grŵp ystyried ac ymateb i'r broses Mynegi Diddordeb, manyleb y person a'r meini prawf i ymgeiswyr:
Cyngor Partneriaeth Gymdeithasol: ceisio ymuno â'r Isgrŵp Detholfa | LLYW.CYMRU
Mae'r datganiad hwn yn cael ei chyhoeddi yn ystod y toriad er mwyn rhoi'r wybodaeth ddiweddaraf i'r Aelodau. Os bydd yr Aelodau am i mi wneud datganiad pellach neu ateb cwestiynau am hyn pan fydd y Senedd yn dychwelyd, rwy'n hapus i wneud hynny.