Carwyn Jones, y Prif Weinidog
Ar 18 Medi, rhoddais wybod i'r aelodau fy mod wedi penderfynu sefydlu Comisiwn ar Gyfiawnder yng Nghymru dan gadeiryddiaeth yr Arglwydd Thomas o Gwmgïedd pan fyddai'n rhoi'r gorau i'w ddyletswyddau fel Arglwydd Brif Ustus Cymru a Lloegr; gan ddweud y byddwn yn rhoi rhagor o wybodaeth am aelodaeth a chylch gorchwyl y Comisiwn yn hwyrach yn yr hydref.
Rwy'n falch o gyhoeddi enwau aelodau eraill y Comisiwn a'i gylch gorchwyl fel a ganlyn:
Aelodaeth
Simon Davies
Yr Athro Elwen Evans CF
Dr Nerys Llewelyn Jones
Juliet Lyon CBE
Sarah Payne CBE
Yr Athro Rick Rawlings
Peter Vaughan QPM CStJ DL
Syr Wyn Williams
Cylch Gorchwyl
Adolygu gweithrediad y system gyfiawnder yng Nghymru a gosod gweledigaeth hirdymor ar gyfer y dyfodol, gyda'r nod o:
• hyrwyddo gwell canlyniadau o ran mynediad at gyfiawnder, gostwng nifer yr achosion o droseddu a hybu'r broses adsefydlu;
• sicrhau bod y trefniadau awdurdodaethol ac addysg gyfreithiol yn adlewyrchu ac yn edrych ar swyddogaeth cyfiawnder yn llywodraethiant a ffyniant Cymru yn ogystal â materion neilltuol sy'n codi yng Nghymru;
• hyrwyddo cadernid a chynaliadwyedd sector gwasanaethau cyfreithiol Cymru a sicrhau'r cyfraniad mwyaf posibl i ffyniant Cymru.
Disgwylir i'r Comisiwn ddechrau ar ei waith ym mis Rhagfyr, ac fe fydd yn cyhoeddi adroddiad o'i ganfyddiadau a'i argymhellion yn ystod 2019.
Dyma ddolen at fanylion bywgraffyddol yr aelodau, er gwybodaeth.
http://gov.wales/docs/legislation/justice/171120-membership-cy.pdf