Esboniwch bob rhan o'ch trwydded llong bysgota, gan gynnwys manylion ac amodau llongau.
Mae sawl rhan i drwydded eich cwch pysgota. Rhaid i chi ddarllen pob rhan yn ofalus er mwyn sicrhau:
- eich bod yn deall y telerau sydd ynghlwm â hi, a
- eu bod yn berthnasol ar gyfer eich gweithgarwch pysgota
Cysylltwch â'n Swyddfa Pysgodfeydd Aberdaugleddau gydag unrhyw gwestiynau. Rhowch wybod i ni ar unwaith os bydd unrhyw un o'r manylion yn anghywir.
Mae trwydded anghywir yn annilys a gallech fod yn agored i gosbau.
Eich cyfrifoldeb chi yw gwirio dogfennau eich trwydded cyn mynd allan i’r môr oherwydd gall trwyddedau gael eu newid unrhyw bryd. Rydym yn cyhoeddi amrywiadau ar-lein ac yn rhoi gwybod i’r rhai hynny sydd wedi nodi eu gwybodaeth gyswllt. Ystyrir eich bod wedi cael yr amrywiadau pan gânt eu cyhoeddi ar-lein
Gallwch roi hyd at 2 gyfeiriad e-bost i ni fel ffordd o gael rhybuddion uniongyrchol am newidiadau. Gallwch gael hysbysiadau eich hunain. Gall hefyd wneud synnwyr i enwebu rhywun sydd ar y tir a all gysylltu â chi ar eich cwch yn gyflym.
Rhan 1: Manylion y cwch
Mae’r rhan hon yn cynnwys:
- categori’r drwydded
- rhif swyddogol y drwydded
- nodweddion eich cwch
- perchenogion cofrestredig
- awdurdodau penodol ar gyfer treillio am gregyn bylchog, pysgota gyda threillrwyd drawst, pysgota am bysgod cregyn gyda photiau, rhwydi gosod neu’r ddau
- aelodaeth o sefydliad cynhyrchwyr pysgod
Rhan 2: Amodau
Mae hon yn nodi sut bydd eich cwch yn pysgota. Efallai cewch gyfarwyddyd i lanio mewn porthladdoedd penodol ar amseroedd penodol.
Rhan 3: Atodlen
Mae hon yn nodi’r awdurdod rydych yn cael pysgota oddi tano.
Rhan 4: Atodiad
Mae hon yn rhestru’r rhywogaethau nad oes gennych ganiatâd i’w pysgota ac unrhyw derfyn dalfa ar gyfer stociau rydych yn cael eu pysgota a’u glanio.
Cysylltwch â ni
I gael rhagor o wybodaeth am Drwyddedau Cychod Pysgota, cysylltwch â'n Swyddfa Pysgodfeydd Aberdaugleddau:
Swyddfa Pysgodfeydd Aberdaugleddau
Llywodraeth Cymru
Ystafell 3 – Cedar Court
Parc Busnes Haven's Head
Aberdaugleddau
Sir Benfro
SA73 3LS
Ffôn: 03000 253500
Rydym yn croesawu galwadau’n Gymraeg