Deddf Iechyd y Cyhoedd (Cymru) 2017

Mae Deddf Iechyd y Cyhoedd (Cymru) 2017 yn cynnwys darpariaethau sy’n ymdrin ag amrywiol faterion iechyd y cyhoedd yng Nghymru. Mae’n canolbwyntio’n bennaf ar lywio’r amodau cymdeithasol sy’n annog iechyd da ac os oes modd, ar osgoi niwed i iechyd y gellir ei atal. 

Mae darpariaethau’r Ddeddf yn cynnwys:

• strategaeth genedlaethol i fynd i’r afael â gordewdra,
• cyfyngiadau ar y defnydd o dybaco a chynhyrchion nicotin ac ar eu gwerthu, gan gynnwys cyflwyno troseddau newydd,
• trwyddedu rhoi ‘triniaethau arbennig’ yng Nghymru (aciwbigo, tyllu’r corff, electrolysis a thatŵio),
• ei gwneud yn drosedd i berson yng Nghymru ‘roi twll mewn rhan bersonol o’r corff’ i berson o dan 18 oed,
• ei gwneud yn ofynnol i Weinidogion Cymru wneud rheoliadau sy’n ei gwneud yn ofynnol i gyrff cyhoeddus gynnal asesiadau o’r effaith ar iechyd,
• ei gwneud yn ofynnol i Fyrddau Iechyd Lleol lunio a chyhoeddi asesiad o’r angen am wasanaethau fferyllol yn ei ardal,
• ei gwneud yn ofynnol i awdurdodau lleol lunio a chyhoeddi strategaeth toiledau lleol ac ailddatgan y pŵer statudol presennol iddynt ddarparu toiledau yn eu hardal. 

Mae’r Nodiadau Esboniadol i’r Ddeddf yn rhoi sylwebaeth fanwl ar y darpariaethau amrywiol.

• Deddf Iechyd y Cyhoedd (Cymru) 2017: Nodiadau Esboniadol ar legislation.gov.uk

Darllenwch y Ddeddf yn llawn:

• Deddf Iechyd y Cyhoedd (Cymru) 2017 ar legislation.gov.uk

Daeth adrannau 1, 120 i 125, 126 ac 127 o’r Ddeddf i rym ar 3 Gorffennaf 2017, sef y diwrnod y cafodd y Ddeddf y Cydsyniad Brehinol, yn unol ag adran 126(1). Daw gweddill y darpariaethau i rym ar ddiwrnod a bennir gan Weinidogion Cymru mewn gorchymyn a wneir drwy offeryn statudol, yn unol ag adran 126(2):

• Deddf Iechyd y Cyhoedd (Cymru) 2017, adran 126 ar legislation.gov.uk

Mae’r gorchmynion a ganlyn wedi eu gwneud:

• Gorchymyn Deddf Iechyd y Cyhoedd (Cymru) 2017 (Cychwyn) 2017 ar legislation.gov.uk
• Gorchymyn Deddf Iechyd y Cyhoedd (Cymru) 2017 (Cychwyn) (Diwygio) 2017 ar legislation.gov.uk
• Gorchymyn Deddf Iechyd y Cyhoedd (Cymru) 2017 (Cychwyn Rhif 2) 2018 ar legislation.gov.uk
• Gorchymyn Deddf Iechyd y Cyhoedd (Cymru) 2017 (Cychwyn Rhif 3) 2018 ar legislation.gov.uk
• Gorchymyn Deddf Iechyd y Cyhoedd (Cymru) 2017 (Cychwyn Rhif 4) 2019 ar legislation.gov.uk
• Gorchymyn Deddf Iechyd y Cyhoedd (Cymru) 2017 (Cychwyn Rhif 5) 2020 ar legislation.gov.uk
• Gorchymyn Deddf Iechyd y Cyhoedd (Cymru) 2017 (Cychwyn Rhif 6) 2021 ar legislation.gov.uk
• Gorchymyn Deddf Iechyd y Cyhoedd (Cymru) 2017 (Cychwyn Rhif 7) 2024 ar legislation.gov.uk
• Gorchymyn Deddf Iechyd y Cyhoedd (Cymru) 2017 (Cychwyn Rhif 8 a Darpariaethau Trosiannol) 2024 ar legislation.gov.uk
• Gorchymyn Deddf Iechyd y Cyhoedd (Cymru) 2017 (Cychwyn Rhif 9) 2025 ar legislation.gov.uk

Cyflwynwyd y Bil ar 7 Tachwedd 2016 gan Rebecca Evans AS, a oedd yn Weinidog Iechyd y Cyhoedd a Gwasanaethau Cymdeithasol ar y pryd. Cafodd ei basio gan Senedd Cymru (Cynulliad Cenedlaethol Cymru bryd hynny) ar 16 Mai 2017.

Mwy o wybodaeth am y Bil a gofnod o hynt y Bil trwy'r Senedd (Cynulliad Cenedlaethol Cymru bryd hynny) ar senedd.cymru.

Mae'r Memorandwm Esboniadol a luniwyd gan Lywodraeth Cymru (fel y cafodd ei ddiwygio ar ôl Cyfnod 2):

• Deddf Iechyd y Cyhoedd (Cymru) 2017: Memorandwm Esboniadol ar senedd.cymru

Cafodd y Ddeddf y Cydsyniad Brenhinol ar 3 Gorffennaf 2017.