Dewis y math o ddarparwr llety

Rhaid i chi ddweud pa fath o ddarparwr ydych chi cyn y gallwch ychwanegu manylion eich llety. 

Gallwch ddewis o 6 math o ddarparwr. 

Rydych yn ddarparwr unigol os mai chi yw unig berchennog eich busnes llety ymwelwyr. Er enghraifft, os ydych yn hunangyflogedig ac yn cadw gwesty Airbnb.

Os oes gennych rif cwmni, rydych chi'n gwmni neu'n LLP. 

Gallwch edrych i weld a oes gennych rif cwmni neu ddim (ar gael yn Saesneg yn unig). 

Rydych yn ddarparwr sy’n rhannu cyfrifoldeb neu mewn partneriaeth os:

• ydych yn rhannu'r cyfrifoldeb am y llety gyda rhywun arall
• nad yw eich partneriaeth wedi'i chofrestru gyda Thŷ'r Cwmnïau

Enghraifft o gwpl priod yn gweithredu fel partneriaeth

Mae Mary a Jordan yn briod. Mae'r ddau yn hunangyflogedig. Maen nhw'n rheoli'r llety gyda'i gilydd. Rhaid i Mary a Jordan gofrestru fel partneriaeth.

Gallwch fod yn elusen neu gwmni elusennol o unrhyw fath. 

Nid oes angen i chi fod wedi'ch cofrestru gyda'r Comisiwn Elusennau.

Gall eich llety fod yn glwb chwaraeon, grŵp gwirfoddol, neu’n sefydliad cymunedol. Mae hyn hefyd yn cael ei alw’n gorff anghorfforedig. Nid oes angen i chi fod yn gwmni nac yn elusen.

Dewiswch 'arall' ar gyfer unrhyw fath arall o ddarparwr, fel:

• ymddiriedolaethau
• cymdeithasau budd cymunedol
• cyrff cyhoeddus