Rhaglen cymorth cyflogadwyedd: cyfeiriadur o gyflenwyr sydd â diddordeb mewn is-gontractio a chydweithrediad consortia

Er mwyn annog is-gontractio a chydweithrediad consortia, rydym yn cyhoeddi cyfeiriadur o gyflenwyr sydd wedi nodi bod ganddynt ddiddordeb mewn rhannu eu manylion cyswllt at y dibenion hyn. Mae'r cyfeiriadur yn cael ei gyhoeddi fel rhan o grynodeb yr adborth i’r ymgysylltu ynghylch cymorth cyflogadwyedd, ar wefan Llywodraeth Cymru fel y nodir isod: rhaglen cymorth cyflogadwyedd: digwyddiadau ymgysylltu.

Dylai cyflenwyr nad ydynt wedi'u rhestru ar hyn o bryd ond sydd â diddordeb mewn cydweithio ac sy'n dymuno ychwanegu eu manylion cyswllt at y cyfeiriadur anfon e-bost at lywodraeth Cymru cymorth cyflogadwyedd: cymorthCyflogadwyedd@llyw.cymru.

Rhowch yr wybodaeth ganlynol yn eich e-bost: 

• Enw cyswllt.
• Swydd yn y sefydliad (os yw'n berthnasol).
• Cyfeiriad e-bost cyswllt.
• Enw'r sefydliad a chyfeiriad post (os yw'n berthnasol).

Cyfeiriwch at yr hysbysiad preifatrwydd sydd ar ddiwedd y cyfeiriadur hwn i weld sut y bydd Llywodraeth Cymru yn trin eich manylion personol. Mae'n cynnwys gwybodaeth am eich hawliau a'r wybodaeth rydym yn ei chadw amdanoch a'r seiliau cyfreithiol dros y modd rydym yn defnyddio eich gwybodaeth.

Bydd y canllawiau canlynol o ddiddordeb:

Ceisiadau ar y cyd ar gyfer contractau cyhoeddus

Llywodraeth Cymru, canllawiau i gonsortia: ceisiadau ar y cyd am gontractau cyhoeddus: canllawiau i gonsortia.

Cadwyni cyflenwi

Rhaid i delerau ac amodau'r Contract sy'n berthnasol i Gontractwr arweiniol, gan gynnwys y telerau sy'n ymwneud â thaliadau gael eu trosglwyddo i unrhyw isgontractwyr.

Rhaid i'r Cynigydd/Cynigwyr llwyddiannus gyflwyno adroddiad blynyddol yn nodi'r camau y mae'r sefydliad wedi'u cymryd i atal caethwasiaeth a masnachu pobl yn ei gadwyn gyflenwi. 

Llywodraeth Cymru, Cyflogaeth foesegol mewn cadwyni cyflenwi: cod ymarfer: cyflogaeth foesegol mewn cadwyni cyflenwi: cod ymarfer.

Llywodraeth Cymru, Cyflogaeth foesegol mewn cadwyni cyflenwi: cod ymarfer, arweiniad a hyfforddiant: cyflogaeth foesegol mewn cadwyni cyflenwi: cod ymarfer, arweiniad a hyfforddiant.

Pwrpas rhannu manylion cyswllt yw annog cydweithio ac ehangu cyfranogiad. Gwahoddir cyflenwyr i fynegi diddordeb mewn ffurfio trefniadau is-gontractio a (neu) consortia (gweler rhan 1).

Mae'r canlynol wedi rhoi eu caniatâd i rannu eu manylion cyswllt:

Yn unol â Rheoliadau Diogelu Data Cyffredinol y DU (GDPR y DU) mae'r hysbysiad preifatrwydd hwn yn esbonio sut rydym yn casglu, defnyddio a phrosesu eich data personol yn deg, yn gyfreithlon ac yn dryloyw.

Sail gyfreithlon ar gyfer prosesu

Llywodraeth Cymru fydd y rheolydd data ar gyfer unrhyw ddata personol rydych wedi'i ddarparu mewn perthynas â'r cyfeiriadur o gyflenwyr sydd â diddordeb mewn Is-gontractio a (neu) gydweithrediad consortia.

Bydd yr wybodaeth yn cael ei phrosesu fel rhan o'n tasg gyhoeddus a'r awdurdod swyddogol a roddwyd i ni ymgymryd â rôl a swyddogaethau craidd Llywodraeth Cymru.

Pa ddata personol y byddwn yn ei gasglu a'i brosesu

Diffinnir data personol o dan Reoliad Cyffredinol y DU ar Ddiogelu Data (GDPR y DU) fel 'unrhyw wybodaeth sy'n ymwneud â pherson adnabyddadwy y gellir ei adnabod yn uniongyrchol neu'n anuniongyrchol trwy gyfeirio at nodwedd adnabod'.

Ar gyfer y Cyfeiriadur hwn byddwn yn casglu'r data personol canlynol:

• Enw cyswllt.
• Swydd yn y sefydliad (os yw'n berthnasol).
• Cyfeiriad E-bost Cyswllt.
• Enw'r sefydliad a chyfeiriad post (os yw'n berthnasol).

Sut rydym yn cadw eich data yn ddiogel

Mae data personol a roddir i Lywodraeth Cymru yn cael ei gadw ar weinyddion diogel yn y DU ac ar gyfer y Cyfeiriadur hwn mae eich data personol yn cael ei storio mewn ffolder sydd wedi’i gyfyngu. 

Mae gan Lywodraeth Cymru weithdrefnau i ddelio ag unrhyw doriadau diogelwch data a amheuir. Os bydd yn amau tor diogelwch, bydd Llywodraeth Cymru yn eich hysbysu chi ac unrhyw reoleiddiwr perthnasol lle mae'n ofynnol yn gyfreithiol i ni wneud hynny.

Pwy fydd yn cael mynediad at eich data

Llywodraeth Cymru: 

Timau gwasanaeth cymorth a'i weinyddwyr technegol ar gyfer systemau sy'n cefnogi'r system TG. Ni fydd gweinyddwyr technegol ar gyfer y systemau yn defnyddio eich manylion mewn unrhyw ffordd.

Os byddwch yn dewis i’ch manylion gael eu rhannu â sefydliadau eraill yn adran 2 y Cyfeiriadur hwn, yna byddwn yn rhannu eich manylion cyswllt â’r sawl sydd hefyd wedi dewis hynny. Efallai y bydd eich manylion yn cael eu cyhoeddi gyda hysbysiad ymgysylltu rhagarweiniol â'r farchnad a/neu hysbysiad tendro.

Efallai y byddwn yn rhannu eich gwybodaeth ag asiantaeth atal twyll at ddibenion atal twyll ac atal gwyngalchu arian.

Efallai bydd eich manylion cyswllt yn cael eu defnyddio at ddibenion ymchwil a gwerthuso, gan gynnwys lle mae Llywodraeth Cymru yn comisiynu contractwr annibynnol at ddibenion gwerthuso'r cynllun a (neu) proses. 

Mae cymryd rhan yn gwbl wirfoddol. Fodd bynnag, rydym yn gwerthfawrogi eich cyfranogiad yn fawr gan fod eich barn a'ch profiadau yn bwysig i lywio gwelliant sefydliadol. Sylwch, efallai y bydd sefydliadau ymchwil/ gwerthuswyr yn cysylltu â dim ond sampl o unigolion a (neu) fentrau.

Am ba hyd y cedwir eich manylion

Bydd eich data personol yn cael ei gadw ar system TG diogel Llywodraeth Cymru yn unol â pholisi cadw Llywodraeth Cymru ac ar ôl hynny bydd yn cael ei ddileu’n ddiogel. Efallai y byddwn yn dileu'r wybodaeth yn gynt os nad yw'n cael ei defnyddio mwyach.

Eich hawliau fel unigolyn

O dan ddeddfwriaeth diogelu data, mae gennych yr hawl i’r canlynol:

• cael gwybod am y data personol sydd gan Lywodraeth Cymru amdanoch a’i weld
• gofyn inni gywiro gwallau yn y data hwnnw
• gwrthwynebu neu gyfyngu ar brosesu’r data (o dan amgylchiadau penodol)
• i'ch data gael ei 'ddileu' (o dan amgylchiadau penodol)
• cludadwyedd data (o dan amgylchiadau penodol)
• cyflwyno cwyn i Swyddfa'r Comisiynydd Gwybodaeth, sef ein rheoleiddiwr annibynnol ar gyfer diogelu data

Os oes gennych unrhyw ymholiadau ynglŷn â'r hysbysiad preifatrwydd hwn, cysylltwch â blwch post Llywodraeth Cymru ar gyfer y Rhaglen Cymorth Cyflogadwyedd yn: employabilitysupport@gov.wales / CymorthCyflogadwyedd@llyw.cymru

Am ragor o fanylion am yr wybodaeth y mae Llywodraeth Cymru yn ei chadw a'i defnyddio, neu os hoffech arfer eich hawliau gan ddefnyddio Rheoliad Cyffredinol y DU ar Ddiogelu Data, cysylltwch â:

Y Swyddog Diogelu Data
Llywodraeth Cymru
Parc Cathays
Caerdydd
CF10 3NQ

E-bost: swyddogdiogeludata@llyw.cymru

Dyma fanylion cyswllt Swyddfa'r Comisiynydd Gwybodaeth:

Cyswllt Cwsmeriaid
Wycliffe House
Water Lane
Wilmslow
Cheshire
SK9 5AF

Ffôn: 0303 123 1113

Gwefan: ico gwefan