Dulliau rhianta a chosbi corfforol: newidiadau dros amser a’r cysylltiadau gyda chanlyniadau datblygiad plant 2012 a 2022

Mae’r canfyddiadau’n rhoi tystiolaeth sylfaenol bellach o’r lefelau cyffredinol o gosbi corfforol a adroddwyd gan rieni yn ystod y 10 mlynedd cyn i’r Ddeddf ddod i rym. 

Ni chanfuwyd unrhyw wahaniaethau yn y canlyniadau rhwng gwledydd y DU, sy'n awgrymu eu bod yn gymharol gyson ledled y DU.

Yn gyffredinol, roedd lefelau uwch o gosbi corfforol yn gysylltiedig â chanlyniadau gwaeth o ran datblygiad plant. Roedd y canfyddiad hwn yn fwy cyson ar gyfer cosb gorfforol gan famau, o'i gymharu â thadau.

Bu gostyngiad cyson yng nghanran y rhieni sy'n adrodd defnyddio unrhyw fath o gosb gorfforol o leiaf ‘nawr ac yn y man’ o 44% yn 2012, i 24% yn 2022. Nid oedd cyfradd y newid yn amrywio rhwng grwpiau.

Roedd rhai gwahaniaethau yn y gyfran gyffredinol o rieni sy'n adrodd defnyddio cosb gorfforol:

• Roedd tadau yn fwy tebygol o ddweud eu bod yn defnyddio cosb gorfforol na mamau.
• Roedd rhieni o grwpiau ethnig Du neu Asiaidd yn fwy tebygol o ddweud eu bod yn defnyddio cosb gorfforol o'u cymharu â'r rhai o grwpiau ethnig Gwyn.
• Roedd rhieni yn fwy tebygol o ddweud eu bod yn defnyddio cosb gorfforol ar gyfer plant a gafodd eu pennu’n wrywaidd ar adeg eu geni.
• Roedd rhieni 31 to 40 oed yn fwy tebygol o ddweud eu bod yn defnyddio cosb gorfforol na'r rhai 51 oed neu'n hŷn.

Mae’r canfyddiadau’n cefnogi, yn fras, nodau cynlluniau fel Magu Plant: Rhowch amser iddo a'u ffocws ar rianta ag awdurdod.