Dweud eich dweud am ddiwrnodau Hyfforddiant Mewn Swydd (HMS) mewn ysgolion

Dweud eich dweud am ddiwrnodau Hyfforddiant Mewn Swydd (HMS) mewn ysgolion

Mae Llywodraeth Cymru eisiau clywed gennych chi! Rydym yn gwneud cynlluniau am ddiwrnodau HMS – dyma ddiwrnodau arbennig pan nad yw athrawon yn dysgu gwersi oherwydd eu bod yn dysgu pethau newydd i’w helpu i addysgu’n well.

Beth allai newid

• Gallai ysgolion gael 6 diwrnod HMS bob blwyddyn yn lle 5 gan ddechrau yn 2026.
• Bydd y diwrnodau hyn yn helpu athrawon i ddysgu am:
  • Y cwricwlwm newydd
  • Cefnogi dysgwyr ag anghenion dysgu ychwanegol
  • Blaenoriaethau cenedlaethol ar gyfer addysg
  • Cymwysterau newydd
• Rydyn ni eisiau gofyn ysgolion i gynllunio a chyfathrebu diwrnodau HMS yn ofalus fel bod athrawon yn gwneud y mwyaf o’r diwrnodau, ac i helpu teuluoedd i gynllunio o’u cwmpas.

Pam fod hyn yn bwysig i chi

Gall ddiwrnodau HMS newid eich calendr ysgol. Efallai y bydd hyn yn golygu diwrnodau ychwanegol i ffwrdd i chi. Pwynt diwrnodau HMS yw i roi cyfle i athrawon i ddysgu a gwella, fel eu bod nhw’n eich addysgu chi’n dda. Rydym eisiau ysgolion i weithio gyda’i gilydd. Weithiau, mae rhieni a gofalwyr yn gweld hi’n anodd dod o hyd i rywun i ofalu am eu plant ar ddiwrnodau HMS. Rydym eisiau sicrhau bod y cynlluniau hyn yn gweithio’n dda i bawb.

Beth rydym yn gofyn

Rydym eisiau eich barn ar bethau fel:

• a ddylai ysgolion gael 6 diwrnod HMS bob blwyddyn?
• a ddylai’r diwrnodau hyn fod ar gyfer athrawon i ddysgu a chynllunio yn bennaf?
• a ddylai ysgolion dweud wrth deuluoedd am ddiwrnodau HMS ar ddechrau’r flwyddyn?
• a ddylai ysgolion osgoi rhoi gormod o ddiwrnodau HMS yn agos at ei gilydd?
• sut gall y cynlluniau hyn gefnogi’r Gymraeg?

Beth mae disgyblion yn meddwl nawr

Siaradodd Plant yng Nghymru â llawer o ddisgyblion. Dyma beth oedd eu casgliadau:

• mae’r rhan fwyaf o ddisgyblion yn hoffi diwrnodau HMS oherwydd maen nhw fel arfer yn gorffwys, gweld ffrindiau, neu’n dal i fyny ar waith
• mae rhai eisiau mwy o ddiwrnodau HMS ar gyfer amser gyda theulu neu adolygu
• mae eraill eisiau llai o ddiwrnodau HMS fel nad ydyn nhw’n colli gwersi
• awgrymodd dysgwyr syniadau hwyliog fel tripiau, chwaraeon, a llefydd diogel i’r rhai sydd angen cefnogaeth

Rydym wedi gofyn i ymchwilwyr siarad gydag ysgolion, cynghorau a phobl eraill sydd yn rhan o gynllunio diwrnodau HMS, fel ein bod ni’n deall pa mor dda maent yn gweithio a sut gall y diwrnodau fod yn well. Byddwn yn ystyried yr holl ymchwil, a’r ymgynghoriad hyn, cyn ein bod ni’n gwneud penderfyniad.

Sut i rannu eich syniadau

Gallwch:

• Llenwi’r ffurflen ymateb
• Ebostio ni: YmgynghoriadHMS2025@llyw.cymru
• Neu bostio eich ymateb i:

Cangen Arweinyddiaeth
Llywodraeth Cymru
Parc Cathays
Caerdydd
CF10 3NQ

Dyddiad cau: 4 Chwefror 2026

Cwestiynau ymgynghori

Cwestiwn 1: 6 diwrnod HMS

Wyt ti’n cytuno y dylai ysgolion gael 6 diwrnod HMS bob blwyddyn gan ddechrau yn 2026?

Cwestiwn 2: pwrpas diwrnodau HMS

Wyt ti’n meddwl y dylai’r diwrnodau hyn gael eu defnyddio fel bod athrawon yn dysgu, cynllunio a pharatoi pethau fel y cwricwlwm newydd?

Cwestiwn 3: gweithio gyda’n gilydd

Wyt ti’n meddwl y dylai ysgolion cynllunio diwrnodau HMS ar yr un pryd ag ysgolion eraill yn agos atynt?
Byddai hyn yn helpu teuluoedd â phlant mewn gwahanol ysgolion ac yn galluogi athrawon i weithio gyda’i gilydd.

Cwestiwn 4: hysbysu teuluoedd

Wyt ti’n meddwl y dylai ysgolion dweud wrth rieni a gofalwyr ar ddechrau’r flwyddyn pryd fydd diwrnodau HMS a beth yw eu pwrpas?

Cwestiwn 5: peidio â rhoi gormod gyda’i gilydd

Wyt ti’n meddwl y dylai ysgolion osgoi rhoi mwy na 2 ddiwrnod HMS yn olynol (hynny yw, un diwrnod ar ôl y llall)?

Cwestiwn 6: sesiynau ‘Cyfnos’ (twilight)

Weithiau mae HMS yn digwydd ar ôl ysgol (gelwir hyn yn sesiynau ‘Cyfnos’) fel bod athrawon yn cael diwrnod ychwanegol yn rhydd heb ddysgwyr. Wyt ti’n meddwl y dylai ysgolion dim ond gwneud hyn ddwywaith y flwyddyn?

Cwestiwn 7: canolbwyntio ar addysgu

Wyt ti’n meddwl y dylai o leiaf 4 o’r 6 diwrnod HMS fod yn ymwneud â dysgu ac addysgu? Weithiau mae’n rhaid i athrawon ddysgu am bethau eraill sydd ddim yn berthnasol i’r dosbarth.

Cwestiwn 8: yr Iaith Gymraeg

Sut ydych chi’n meddwl y bydd y cynlluniau hyn yn effeithio ar y Gymraeg?

• A fydd yn helpu pobl i ddefnyddio mwy o Gymraeg?
• A allai wneud pethau’n anoddach i siaradwyr Cymraeg?
• Sut gallwn sicrhau bod y Gymraeg yn cael ei thrin yr un fath â’r Saesneg?