Fframwaith Rhaglen Comisiynu Prentisiaethau Cymru: hysbysiad preifatrwydd i gyflogwyr

Mae'r ffurflen yn gofyn i chi ddarparu data personol. Llywodraeth Cymru fydd y rheolwr data ar gyfer y wybodaeth hon a byddwn yn ei defnyddio yn unol â'n tasg gyhoeddus a'r awdurdod swyddogol a freiniwyd ynom.

Byddwn yn defnyddio'r wybodaeth hon i gysylltu â chi ynglŷn â'ch profiad o raglen brentisiaethau Llywodraeth Cymru. Bydd yr adborth hwn yn ein galluogi i ddeall yn well sut mae'r rhaglen yn gweithredu ac a ellid gwneud gwelliannau. I wneud hyn bydd eich data personol yn cael eu rhannu gydag ymchwilwyr trydydd parti a benodwyd gan Lywodraeth Cymru ac sy'n gweithredu ar ei rhan. Bydd asiantaethau ymchwil a sefydliadau academaidd yn gwneud gwaith ymchwil at ddibenion gwerthuso a gwaith ystadegol yn unig a byddant yn cysylltu â chi'n uniongyrchol. 

Bydd eich data'n cael eu cadw am ddeng mlynedd ac ar ôl hynny byddant yn cael eu dinistrio.

O dan y ddeddfwriaeth diogelu data, mae gennych hawl:

• i wybod am y data personol a gedwir amdanoch chi a'i weld
• i’w gwneud yn ofynnol inni gywiro gwallau yn y data hynny
• (o dan rai amgylchiadau) i wrthwynebu neu gyfyngu ar brosesu’r data
• i ofyn i'ch data gael eu 'dileu' (o dan amgylchiadau penodol)
• (o dan rai amgylchiadau) i gludadwyedd data
• i gyflwyno cwyn i Swyddfa’r Comisiynydd Gwybodaeth, ein rheoleiddiwr annibynnol ar gyfer diogelu data

Mae Llywodraeth Cymru wedi ymrwymo i drin eich data personol yn saff ac yn ddiogel, a dim ond cyhyd ag y mae angen inni wneud hynny.   

Os oes gennych chi unrhyw bryderon ynglŷn â'r ffordd rydym yn defnyddio eich data personol, y peth gorau fyddai ichi eu codi â’r tîm perthnasol i ddechrau.   

Gallwch hefyd gysylltu â'r Swyddog Diogelu Data drwy e-bostio SwyddogDiogeluData@llyw.cymru neu drwy anfon llythyr i’r cyfeiriad isod:  

Llywodraeth Cymru
Parc Cathays 
Caerdydd  
CF10 3NQ 

Os hoffech wneud cwyn ffurfiol am y ffordd y mae Llywodraeth Cymru wedi prosesu eich data personol, gallwch ddilyn y canllawiau ar y dudalen Cwyn am Lywodraeth Cymru. 

Byddwn yn cydnabod eich cwyn ac yn ymateb o fewn amserlen briodol, yn unol â deddfwriaeth diogelu data a'n proses gwyno. 

I gael rhagor o fanylion am yr wybodaeth a gedwir gan Lywodraeth Cymru ac am y defnydd a wneir ohoni, neu os ydych am arfer eich hawliau o dan y Rheoliad Cyffredinol ar Ddiogelu Data, gweler y manylion cyswllt isod:

Dyma fanylion cyswllt Swyddfa'r Comisiynydd Gwybodaeth:

Wycliffe House
Water Lane
Wilmslow
Swydd Gaer / Cheshire
SK9 5AF

Ffôn: 0165 545 745 neu 0303 123 1113

Gwefan: www.ico.org.uk