Gwasanaethau deintyddol GIG: Ebrill 2018 i Fawrth 2019

Prif bwyntiau

Nifer y cleifion a gafodd eu trin yn y 24 mis cyn 31 Mawrth 2019

• Cafodd 1.7 miliwn o gleifion (55.0% o’r boblogaeth) eu cofnodi fel rhai a gafodd driniaeth yn y 24 mis cyn 31 Mawrth 2019.
• Cafodd 51.9% o'r boblogaeth sy'n oedolion eu trin, gostyngiad bychan o’r cyfnod blaenorol; ynghyd â 67.7% o'r boblogaeth sy’n blant, cynnydd bychan o’r cyfnod blaenorol.

Taliadau cleifion rhwng 1 Ebrill 2018 a 31 Mawrth 2019

• Roedd 45.6% o’r holl gyrsiau o driniaeth ar gyfer oedolion a oedd yn talu.
• Cyfanswm y taliadau gan gleifion oedd £36.4 miliwn. Mae hyn yn gynnydd o 2.6% o’i gymharu â £35.5 miliwn a dalwyd gan gleifion yn 2017-18.

Gweithgarwch rhwng 1 Ebrill 2018 a 31 Mawrth 2019

• Roedd tua 2.4 miliwn o gyrsiau unigol o driniaeth deintyddol o dan y GIG, cynnydd o 2.2% o’i gymharu â 2017-18.
• Cafodd cyfanswm o 4.9 miliwn uned o weithgarwch deintyddol eu cynnal yn 2018-19; ffigur tebyg o’i gymharu â 2017-18.

Y gweithlu rhwng 1 Ebrill 2018 a 31 Mawrth 2019

• Roedd 1,506  o ddeintyddion wedi cofnodi gweithgarwch o dan y GIG rhwng 1 Ebrill 2018 a 31 Mawrth 2019.
• Cyfatebai hyn â 4.8 deintydd ar gyfer pob 10,000 o’r boblogaeth, cynnydd bychan ers y flwyddyn flaenorol.