Gwerthusiad o Gynllun Tai Gwasgaredig Bro Morgannwg

 Mae’r DHS yn cynnwys grŵp amlasiantaethol sy’n gweithio i gytuno ar fodel gwasanaeth sy’n briodol i anghenion pobl gyda phroblemau iechyd meddwl ym Mro Morgannwg. Comisiynwyd y gwerthusiad byr o’r Cynllun Tai Gwasgaredig (DHS) gan Fwrdd Gwasanaethau Effeithiol ar gyfer Grwpiau Agored i Niwed Llywodraeth Cymru (ESVG).

Defnyddiodd yr ymchwil ddull cyfranogol, gan gynnwys rhanddeiliaid y prosiect i ddatblygu theori newid y model gwasanaeth a model rhesymeg, a ddefnyddiwyd wedyn fel y fframwaith ar gyfer y gwerthusiad.

Dyluniwyd y gwerthusiad i:

• edrych ar weithrediad y cynllun ac i asesu a yw’r prosiect yn gweithredu fel y disgrifiwyd gan y model rhesymeg
• edrych ar i ba raddau y mae’r cynllun yn cyfrannu at y canlyniadau sydd mewn golwg yn y model rhesymeg
• nodi pa wersi a ddysgwyd ar gyfer y cynllun a’r goblygiadau ar gyfer ei gynaliadwyedd a’i gyflwyno’n ehangach yn y dyfodol.