Neidio i'r prif gynnwy

Mae'r adroddiad hwn yn rhoi gwerthusiad terfynol ar gyfer cynlluniau grant cyfalaf a ariennir o dan y Rhaglen Datblygu Gwledig. Cafodd y cynlluniau eu cynllunio i wella perfformiad a datblygu bwyd a diod.

Prif ganfyddiadau

Mae’r Cynllun Buddsoddi mewn Busnesau Bwyd wedi'i ddylunio i helpu cynhyrchwyr cynradd cynhyrchion amaethyddol yng Nghymru i ychwanegu gwerth at eu hallbynnau

Mae'r buddsoddiadau a wnaed drwy’r Cynllun Buddsoddi mewn Busnesau Bwyd a’r Cynllun Buddsoddi mewn Busnesau Gwledig – Bwyd yn cael eu hystyried yn ymyriadau blaenllaw gan Lywodraeth Cymru i gyflawni eu hamcanion polisi i gynhyrchu twf yn y sector, cynyddu cynaliadwyedd a diogelwch bwyd trwy adeiladu, a hybu asedau cyfalaf.

Roedd y cynllun eisoes wedi cyflawni pedwar o bum targed y Dangosyddion Perfformiad Allweddol a oedd yn canolbwyntio ar ganlyniadau'n ymwneud â chreu effeithiau economaidd cadarnhaol, fel datblygu cynnyrch a chreu swyddi

Dywedodd 41% o fuddiolwyr fod eu prosiectau wedi creu effeithiau amgylcheddol cadarnhaol gydag ymatebwyr fel arfer yn cyfeirio at effeithlonrwydd ynni yn eu prosesau newydd, cyflwyno ynni adnewyddadwy a newid i dechnolegau carbon is, a gwelliannau i'w prosesau ailgylchu a gwell rheolaeth gwastraff.

Mae’r gwerthusiad yn canfod bod ymyriadau’r Cynllun Buddsoddi mewn Busnesau Bwyd a’r Cynllun Buddsoddi mewn Busnesau Gwledig – Bwyd wedi cefnogi miliynau o bunnoedd o fuddsoddiad yn y seilwaith prosesu, gan arwain at wella offer a chyfleusterau, a thrwy hynny alluogi busnesau i dyfu dros y cyfnod dan sylw.

Cyswllt

Richard Self

Rydym yn croesawu gohebiaeth yn Gymraeg.

Cyfryngau

Rhif ffôn: 0300 025 8099

Rydym yn croesawu galwadau yn Gymraeg.