Gwerthusiad o'r prosiect Rhieni, Gofal Plant a Chyflogaeth (PaCE): gwerthuso crynodol terfynol

Effeithiau PaCE

Heb os, mae PaCE wedi cyflawni ei brif nod o helpu rhieni nad ydynt yn gweithio i symud i gael gwaith. Mae'r dadansoddiad yn amcangyfrif bod 1,567 yn fwy o unigolion (nag y byddai wedi gwneud fel arall) wedi dod o hyd i waith erbyn mis Hydref 2021. Mae cymryd rhan yn PaCE hefyd yn debygol o fod wedi cyflymu'r broses o symud ymlaen i gael gwaith i fwy fyth o gyfranogwyr.  

Mae PaCE hefyd wedi cael effeithiau ehangach. I'r cyfranogwyr, mae'r rhain yn cynnwys: mwy o hyder; mwy o ymdeimlad o bwrpas; boddhad, cysylltiad cymdeithasol; cael mwy o arian a darparu model rôl da i'w plant. I deuluoedd y cyfranogwyr, mae’r rhain yn cynnwys: plant yn ffynnu o ganlyniad i brofi gofal plant ffurfiol a chael mwy o strwythur i'w bywydau.

Fodd bynnag, mae'r rhaglen wedi bod yn llai llwyddiannus nag a ragwelwyd yn wreiddiol o ran helpu cyfranogwyr i ennill cymwysterau/tystysgrifau cysylltiedig â gwaith neu wrth symud pobl ifanc i addysg neu hyfforddiant.