Gwerthusiad y Gwasanaeth Di-waith: adroddiad terfynol

Mae’r gwerthusiad wedi amlinellu effaith ymddangosiadol y Gwasanaeth Di-waith. 

Prif bwyntiau

• Mae’r gwasanaeth yn unigryw yng Nghymru ac mae’n llenwi bwlch pwysig o ran y gwasanaethau a ddarperir.
• Mae’r gwasanaeth yn cyflawni ei nodau o helpu i wella rhagolygon o ran y farchnad lafur i’r rheini sydd bellaf oddi wrthi. Yn gyffredinol, mae perfformiad yn erbyn y targedau wedi bod yn gadarnhaol ar gyfer dau o’r pum targed, ond yn llai cryf yn erbyn y tri arall.
• Ystyrir bod mentoriaid cymheiriaid yn nodwedd allweddol o lwyddiant y gwasanaeth. 
• Mae model y gwasanaeth cyffredinol wedi parhau’r un fath i raddau helaeth. Fodd bynnag, mae rhai newidiadau allweddol i ddarpariaeth y gwasanaeth wedi gwella’r gwasanaeth ac wedi helpu tuag at gyflawni’r targedau terfynol.
• Mae’n ymddangos bod y cyfranogwyr yn fodlon iawn gyda’u profiadau a’r manteision sy’n codi o ymgysylltu â’r gwasanaeth.