Gwerthuso safleoedd cyflogaeth strategol: adroddiad interim

Ariennir y gweithrediad  yn rhannol gan Gronfa Datblygu Rhanbarthol Ewrop. Nod y gweithrediad  yw darparu’r seilwaith sylfaenol ar gyfer denu buddsoddiad a helpu i ddatblygu pedwar safle cyflogaeth strategol o ansawdd uchel.

Prif ganfyddiadau

• Prosiect sy’n cyd-fynd yn dda â strategaethau a pholisïau Llywodraeth Cymru.
• Tystiolaeth dda ar gyfer yr ymyrraeth, yn benodol, ceir tystiolaeth bod prinder lle ar gyfer cynnal cyflogaeth a diffyg yn y farchnad.
• Cyfiawnhad dros y dewis o safleoedd, mae pob un yn gyraeddadwy ac maent wedi’u lleoli mewn ardaloedd lle mae galw yn y farchnad a gerllaw ceiswyr gwaith.
• Trefniadau rheoli a monitro cadarn yn Llywodraeth Cymru ac ar y safle.
• Mae’r gweithrediad safleoedd cyflogaeth strategol ar y trywydd iawn i fodloni pob un o’i dargedau ac mae cynnydd da wedi cael ei wneud o ran cyflawni pob un o amcanion y themâu trawsbynciol.

Mae’r argymhellion yn cynnwys camau i:

• gynnal ymgyrch farchnata wedi’i thargedu at feddianwyr a datblygwyr arfaethedig
• ystyried sut y gellid sicrhau bod cymunedau difreintiedig yn gallu manteisio i’r eithaf ar gyfleoedd cyflogaeth

Mae disgwyl i’r gwerthusiad terfynol gyflwyno ei adroddiad yng ngaeaf 2022.