Gwneud cais am y grant cyfalaf trais yn erbyn menywod, cam-drin domestig a thrais rhywiol 2027 i 2028

Mae grantiau ar gael hyd at:

• £450,000 ar gyfer eiddo newydd i ddarparu llochesi, mannau cwnsela, neu hybiau
• £350,000 ar gyfer pob pryniant arall

Mae'r grant VAWDASV yn gynllun grant cyfalaf yn unig.

Rhaid i brosiectau cyfalaf gyd-fynd â 6 amcan strategaeth VAWDASV Llywodraeth Cymru 2022 i 2026.

• Sefydliadau yn y trydydd sector
• Awdurdodau lleol
• Cyrff cyhoeddus eraill
• Byrddau iechyd
• Ni fyddwn yn derbyn ceisiadau gan sefydliadau a busnesau o'r sector preifat.

Mae grantiau cyfalaf ar gael ar gyfer:

• prynu eiddo
• caffael asedau cynaliadwy sydd o fudd i ddefnyddwyr gwasanaeth am o leiaf 10 mlynedd
• prosiectau adnewyddu ac addasu i wella cynhwysiant a hygyrchedd
• uwchraddio i fannau lloches, darpariaeth symud ymlaen a mannau swyddfa defnyddwyr gwasanaeth
• prosiectau sy'n anelu at wella gwasanaethau, gan gynnwys gweithio gyda phlant a phobl ifanc (dioddefwyr a'r rhai sy'n arddangos ymddygiad niweidiol)
• gwasanaethau 'siop un stop' ar gyfer mynd i'r afael ag achosion o gyflawni trais a chefnogi dioddefwyr
• mentrau diogelwch dioddefwyr
• gwelliannau i fannau ac offer ar gyfer defnyddwyr gwasanaeth
• offer digidol a TG, lle mae'n cefnogi defnyddwyr gwasanaeth yn uniongyrchol (trafodwch geisiadau digidol gyda'ch Cynghorydd Rhanbarthol)

Gwnewch gais gan ddefnyddio'r ffurflen ar-lein.

Bydd swyddogion Llywodraeth Cymru yn asesu ceisiadau yn:

• Sifft 1: gwirio bod yr holl wybodaeth wedi'i chwblhau (gan gynnwys dyfynbrisiau/prisiadau).
• Sifft 2: sgorio prosiectau ar sail meini prawf, gan gynnwys alinio ag Amcanion Strategol VAWDASV Llywodraeth Cymru, i bennu a ydynt yn bodloni nodau'r cynllun grant cyfalaf.