Max Boyce
Enwebiad ar gyfer gwobr Diwylliant
Mae Max Boyce MBE yn ffigwr chwedlonol yn niwylliant Cymru. Mae ei gyfuniad unigryw o gomedi, cerddoriaeth a barddoniaeth wedi atseinio ar draws cenedlaethau. Wedi'i eni yng Nglyn-nedd, cipiodd Max galon y genedl o'r 1970au ymlaen, gan ddefnyddio ei ffraethineb a'i gynhesrwydd i ddathlu hunaniaeth Gymreig, angerdd rygbi, ac ysbryd cymunedau’r glowyr. Roedd ei albwm eiconig 'We All Had Doctors' Papers' ar frig Siart Albymau'r DU, ac mae ei anthem fythol "Hymns and Arias" yn dal i atseinio ar draws stadia rygbi, gan uno cefnogwyr a chymunedau.
Y tu hwnt i'r llwyfan perfformio, mae Max yn llysgennad diwylliannol, gan ddod â hiwmor, gwerthoedd a gwytnwch Cymreig i gynulleidfaoedd byd-eang. Mae ei waith elusennol, ei farddoniaeth deimladwy - fel "When Just The Tide Went Out" - a'i boblogrwydd hirhoedlog yn dyst i'w ddylanwad parhaol. Wedi'i anrhydeddu ag MBE a cherflun yn ei dref enedigol, mae ymrwymiad Max Boyce i Gymru a'i phobl yn ddiwyro. Enwebai gwirioneddol haeddiannol ar gyfer Gwobr Diwylliant Dewi Sant.